भजनमैं 15:4 - परमेश्‍वरए ताँ तमु क्युइर

⁴ आछ्याँबै के लब्मैंलाइ आखोब, दिलेया याहवेहने ङ्हिंब्मैंलाइ मान लब, ह्रोंसए न्होह्रों तलेया ङ लम् बिबै के पूरा लब,

भजनमैं 15:4 ပူးပေါင်းရင်းမြစ်များ

एस्तर 3:2

झाइले म्रुँइ बिब् धोंलेन् म्रुँए दरबारर्बै मुल म्रार राब्मैं ताँनइ हामानलाइ च्हि तुँसि फ्योमल। दिलेया मोर्दकैइ बिस्याँ छ आलमल।

भजनमैं 101:4

आछ्याँबै सैं प्ह्‍याब्मैंने ङ ह्रेंगोन् टिब्मुँ; दुष्‍ट केमैं ङ खोंयोंइ लरिब् आरे।

भजनमैं 101:6

भर लल् खाँबै म्हिमैं ङने बालु टिल् योंरिगे बिसि चमैंए फिर ङए मि छरिमुँ; ठिक घ्याँर प्रबै म्हिइ ङए सेवा लब्मुँ।

भजनमैं 119:63

क्हिने ताँन् ङ्हिंब्मैंए थु ङ ग; ओं, क्हिजी ल्हैदिबै के ताँन् लब्मैंए थु ङ ग।

भजनमैं 16:3

इस्राएल ह्‍युलर्बै परमेश्‍वरए म्हिमैं बेल्‍ले कालदिब मुँ, चमैं म्रोंसि ङ सैं तोंरिम्।

मत्ती 5:33

“‘क्‍हेमैंइ स्योलिबै कसम आचद्। बरु याहवेहने लबै भकल पूरा लद्,’ बिसि स्योंम्बै म्हिमैंने बिबै ताँ या क्‍हेमैंइ थेइमुँ।

चेला चिब्मैंए केमैं 24:25

दिलेया “ठिक के लल् त्हुम्, आछ्याँबै के आलबर ह्रोंसए सैं फैल् त्हुम्, तलेबिस्याँ परमेश्‍वरजी निसाफ लबै त्हिंइ खसिन् मुँ,” बिसि पावलइ बिरिमा फेलिक्स ङ्हिंयाँइ, धै “तोगो मुँरिगे। क्हि ह्‍याद्। मौका योंबै त्हेर ङइ क्हि हुइस्यो,” बिइ।

चेला चिब्मैंए केमैं 28:10

चमैंइ ङि ल्‍हें मान लसि ल्हें क्होल्सैंमैं पिंइ। धै ङि माल्‍टाउँइँले ह्‍याब् बिसि क्यु झाजर क्रेबि छेमा चमैंइ घ्‍याँर ङिलाइ चैदिबै सैमैं या क्यु झाजर झोंमिंइ।

१ यूहन्‍ना 3:14

ङ्यो कालउँइँले जोगेसि छ्ह योंबै क्‍ल्‍ह्‍योर तर्दिल् खाँइमुँ बिसि ङ्योइ सेइमुँ। ङ्योइ बिश्‍वासी अलि-अङाँमैंलाइ सैं न्होंउँइँलेन् म्हाँयाँ लबइले ङ्योइ चु ताँ सेइमुँ। दिलेया ह्रोंसए अलि-अङाँमैंलाइ म्हाँया आलब्मैं कालए न्होंर टिरिमुँ।