भजनमैं 149:6 - परमेश्‍वरए ताँ तमु क्युइर

⁶ चमैंए सुँइ परमेश्‍वरए क्वेमैं प्रिंरिगे। अरू ह्रेंमैंने खि किंबै ल्हागिर,

भजनमैं 149:6 ပူးပေါင်းရင်းမြစ်များ

भजनमैं 115:7

चमैंल यो मुँ, दिलेया छुइल् आखाँ; प्हले मुँ, दिलेया प्रल् आखाँ; धै चमैंए म्‍लोगोउँइँले कै त्होंल् आखाँ।

भजनमैं 66:17

ङए सुँइ खीने ग्वार ह्रिइ, धै ङए लेइ खीए मिं क्वेइ।

भजनमैं 96:4

तलेबिस्याँ याहवेह बेल्‍ले थेब मुँ, धै खीए मिं बेल्‍ले नुल्‍ले क्वेल् त्हुब मुँ; ताँन् देवतामैंल् भन्दा खीए मिं बेल्‍ले क्वेल् त्हुम्।

लूका 2:14

“स्वर्गरि परमेश्‍वए मिं थेब तरिगे, धै पृथ्‍बीरि खीजी त्‍हाँबै म्‍हिमैंने शान्‍ति तरिगे!”

हिब्रू 4:12

परमेश्‍वरए ताँ सोगों मुँ धै खोंयोंन् बिलै के लरिम्, धै चु धार ङ्हिं मुँबै सेलाँ भन्दा छ्यारब् तम्। चुइ सो नेरो प्ल्हलाइ, चए जोर्नि-जोर्नि नेरो ह्रुइबए टों समा भाग भाग लसि क्योंजा चोंजा तल्‍ले थोंसि सैंर्बै ताँ नेरो बिचार जाँच लल् खाँम्।

दर्शन 1:16

खीए क्‍योलो योर मुसारा ङि मुँल। झाइले खीए सुँउँइँले दोहोरोन् धार मुँबै सेलाँ त्‍होंल। खीए लि त्‍हिंयाँ आधार्बै त्‍हिंयाँ धोंले बेल्‍ले चारब मुँल।

दर्शन 19:6

च लिउँइँ ङइ धबै कै थेइ। च कै म्‍हि हुलए कै धों तब, क्‍यु छारेए कै धों तब नेरो मु ङ्‌हेब् धों तब मुँल। च कैइ बिइ, “परमेश्‍वरए मिं थेब तरिगे! तलेबिस्याँ याहवेह ङ्योए परमेश्‍वर, ताँन् भन्दा थेबै शक्‍ति मुँबै परमेश्‍वर ग, खीजी ताँन् सैए फिर ग्याल्स लम्।