भजनमैं 149:5 - परमेश्‍वरए ताँ तमु क्युइर

⁵ खीजी बिब् ङिंब्मैं ट्होगों तल् योंमा सैं तोंरिगे; धै रोबै क्‍ल्‍ह्‍योरै या सैं तोंदै क्वेमैं प्रिंरिगे।

भजनमैं 149:5 ပူးပေါင်းရင်းမြစ်များ

भजनमैं 118:15

“याहवेहए क्योलो योजी शक्‍तिए के लइमुँ,” बिसि ठिक के लब्मैंइ तम्बुर सैं तोंबै कै नेरो ट्होब कै तेम्।

भजनमैं 132:16

चर्बै खेगिमैंलाइ ङइ मुक्ति पिंब्मुँ, धै चर्बै ङए म्हिमैं सैं तोंदै कै तेसि ओरब्मुँ।

भजनमैं 145:10

ओ याहवेह, क्हिजी बनेबै तोन्दोंरि सैमैंइ क्हिलाइन धन्यबाद पिंब्मुँ, धै क्हिए म्हिमैंइ क्हिए मिं क्वेब्मुँ!

भजनमैं 23:1

याहवेह ङए प्ह्रोंछैं ग, ङने तोइ खाँचो तरिब् आरे।

भजनमैं 42:8

दिलेया याहवेहए खोंयोंइ आनुबै म्हाँया त्हिंयाँर ङने तमुँ, धै म्हुँइँसर खीए मिंर भजनमैं प्रिंसि ङलाइ छ्ह पिंबै परमेश्‍वरने ङइ प्राथना लम्।

भजनमैं 92:2

ङिए फिर क्हिजी लबै खोंयोंइ आनुबै म्हाँयाए बारेर न्हाँगर प्रिंब, धै म्हुँइँसर क्हि भर लल् खाँबै परमेश्‍वर ग बिसि बयन लब,

रोमी 5:2

खीए फिर बिश्‍वास लबइले ङ्योइ खीए दयाम्हाँया योंइमुँ। परमेश्‍वरए दयाम्हाँया तोगो ङ्योइ योंइमुँ, छतसि ङ्योइ परमेश्‍वरए चारबै ह्‍वे योंम् बिबै आशा थेंसि ङ्यो सैं तोंम्।

१ पत्रुस 1:8

क्‍हेमैंइ येशू ख्रीष्‍टलाइ खोंयोंइ आम्रोंइमुँ, दिलेया खीलाइ म्हाँया लरिइमुँ। खीलाइ तोगो आम्रोंलेया खीए फिर बिश्‍वास लइमुँ। धै बेल्‍ले सैं तोंरिइमुँ,