भजनमैं 149:1 - परमेश्‍वरए ताँ तमु क्युइर

¹ हल्‍लेलूयाह! याहवेहए ल्हागिर छारा क्वे घ्रि प्रिंन्, खीजी बिब् ङिंब्मैंने बालु तसि खीए मिं थेब् लद्!

भजनमैं 149:1 ပူးပေါင်းရင်းမြစ်များ

भजनमैं 111:1

याहवेहए मिं थेब लद्! ठिक के लब्मैंए म्हाँजोर नेरो म्हि ल्हें च्होंबै क्ल्ह्‍योर ङए सैं न्होंउँइँले याहवेहलाइ धन्यबाद पिंब्मुँ।

भजनमैं 116:18

याहवेहए ताँन् म्हिमैंए उँइँर, खीए मन्दिरर्बै ह्‍युमैंर,

भजनमैं 144:9

ओ परमेश्‍वर, क्हिए ल्हागिर ङ छारा क्वे घ्रि प्रिंब्मुँ; तार च्यु प्ह्‍याबै सारङ्गी ह्रासि ङ क्हिए मिंर क्वे प्रिंब्मुँ,

भजनमैं 148:1

हल्‍लेलूयाह! स्वर्गउँइँले याहवेहए मिं क्वेद्; मुउँइँले खीलाइन थेब् लद्!

भजनमैं 22:22

ङए अलिमैंए उँइँर क्हिजी लबै छ्याँबै केमैंए बयन लदै ङ क्हिए मिं थेब लब्मुँ। ल्हें म्हि च्होंबै क्ल्ह्‍योरै या ङ क्हिलाइन थेब् लब्मुँ

भजनमैं 22:25

ल्हें म्हि च्होंबै क्ल्ह्‍योर ङए छ्याँबै बयन तल् पिंब क्हिन् ग, छतसि क्हिलाइ मान लब्मैंए उँइँर बाछा फैसि लम् बिबै के ङइ पूरा लब्मुँ।

भजनमैं 33:3

खीए ल्हागिर छारा क्वे घ्रि प्रिंन्; जय जय लदै क्ह्‍युरल्‍ले बाजामैं ह्राद्।

भजनमैं 35:18

म्हिमैं च्होबै क्ल्ह्‍योर ङइ क्हिलाइन धन्यबाद पिंम्; छलेन ल्हें म्हिए म्हाँजोरै या ङइ क्हिए मिंन् थेब् लब्मुँ।

भजनमैं 68:26

“ल्हें म्हि च्होंबै क्ल्ह्‍योर परमेश्‍वरए मिं थेब लद्; इस्राएली म्हिमैंए म्हाँजोर याहवेहए मिं थेब लद्,” बिसि चमैंइ बिइमुँ।

भजनमैं 89:5

ओ याहवेह, क्हिजी औदिबै केमैं लइमुँ धै क्हि भर लल् खाँब मुँ बिसि स्वर्गदूतमैं च्होंबै क्ल्ह्‍योर चमैंइ क्हिए मिं थेब् लब्मुँ।

भजनमैं 96:1

‍‍एयाहवेहए मिंर छारा क्वे घ्रि प्रिंन्; पृथ्बी तिगोंर्बै म्हिमैंइ याहवेहए ल्हागिर क्वे प्रिंन्।

भजनमैं 98:1

याहवेहए मिंर छारा क्वे प्रिंन्, तलेबिस्याँ खीजी औदिबै केमैं लइमुँ! खीए क्योलो यो नेरो पबित्र योजी ह्रोंसए म्हिमैं दु:खउँइँले फ्रेमिंइमुँ।

हिब्रू 2:12

खीजी छ बिइमुँ, “ङए अलिमैंए उँइँर ङइ क्‍हिए मिं थेब् लब्‍मुँ, म्‍हि च्होंए म्‍हाँजोर ङ क्‍हिए मिं क्वेब्‍मुँ।”

दर्शन 5:9

झाइले चमैंइ छारा भजन घ्रि प्रिंइ: “च काउदए प्हैं किंसि चर्बै छाप फोर्दिसि ङ्‍ह्‍योबै लायकर्बै क्‍हि मुँ। तलेबिस्याँ म्‍हिमैंइ क्हिलाइ सैवाल, दिलेया ताँन् कुलउँइँले, ताँन् क्युइ पोंब्‍मैंउँइँले, ताँन् ह्‍युलर्बै म्हिमैंउँइँले नेरो ताँन् ह्रेंमैंउँइँले, क्‍हिए कोजी परमेश्‍वरए ल्हागिर क्हिजी म्हिमैंलाइ खामिंइ।