भजनमैं 148:14 - परमेश्‍वरए ताँ तमु क्युइर

¹⁴ खीजी बेल्‍ले खोबै खीए इस्राएलर्बै म्हिमैंइ खीलाइन थेब् लल् खाँरिगे बिसि खीजी चमैंलाइ भोंबै ह्रें लमिंइमुँ। हल्‍लेलूयाह! याहवेहए मिं थेब् लद्!

भजनमैं 148:14 ပူးပေါင်းရင်းမြစ်များ

भजनमैं 112:9

आयोंब्-आख्युब्मैंलाइ चइ सैं प्ल्हसि पिंइमुँ; चइ लबै ठिक केमैं खोंयोंन् बिलै तरिम्; चलाइ ताँनइ मान लब्मुँ, धै चए क्र कैंडो तब्मुँ।

भजनमैं 145:10

ओ याहवेह, क्हिजी बनेबै तोन्दोंरि सैमैंइ क्हिलाइन धन्यबाद पिंब्मुँ, धै क्हिए म्हिमैंइ क्हिए मिं क्वेब्मुँ!

भजनमैं 149:9

परमेश्‍वरए म्हिमैंइ धार ङ्हिं मुँबै सेलाँ छेरिगे! छ लस्याँ खीजी बिब् ङिंब्मैं ताँनइ मान योंम्। हल्‍लेलूयाह! याहवेहए मिं थेब् लद्!

भजनमैं 75:10

तलेबिस्याँ परमेश्‍वरजी बिइ, “ताँन् दुष्‍टमैंए भों ङइ नास लवाब्मुँ, दिलेया ठिक के लब्मैंए भों थेब लमिंब्मुँ।”

भजनमैं 89:17

तलेबिस्याँ क्हिजीन् चमैंलाइ थेबै शक्ति पिंम्। क्हिए म्हाँयाजी ङिलाइ ट्होल् लमिंइमुँ,

भजनमैं 89:18

तलेबिस्याँ ढालइ धोंले ङिलाइ रक्षा लमिंबै म्हि याहवेहलन् ग, इस्राएलर्बै पबित्र परमेश्‍वरजी ङिलाइ ङिए म्रुँ पिंइमुँ।

भजनमैं 92:10

ङ बिस्याँ क्ह्‍योंर्बै साँढे धोंले क्हिजी ङए भों थेब लमिंब्मुँ; छ्युगु फोसि ङलाइ त्हाँइमुँ।

लूका 1:52

खीजी थेब् प्हैंबै म्रुँमैं चमैंए राजगद्दिउँइँले तवाइमुँ, आ‍यों आख्युब्मैंलाइ कैंडो लमिंइमुँ।

लूका 2:32

चु कोलोन् अरू ह्रेंर्बै म्‍हिमैंलाइ क्‍हिए घ्‍याँ उँइँमिंबै चारबै ह्‍वे ग, छलेन क्हिए इस्राएली ह्रेंर्बै म्‍हिमैंए मिं थेब् लमिंबै चारबै ह्‍वे खीन् ग।”

एफिसी 2:13

ओंसों क्‍हेमैं परमेश्‍वरउँइँले ह्रेंगो मुँल दिलेया तारेम् क्‍हेमैं ख्रीष्‍टने घ्रिन् तसि ख्रीष्‍टजी ह्रोंसए कोउँइँले क्‍हेमैं परमेश्‍वरए ङाँर पखइमुँ।

एफिसी 2:17

छतमा येशू युसि क्‍हेमैं परमेश्‍वरउँइँले ह्रेंगो मुँबै अरू ह्रेंमैं नेरो परमेश्‍वरने चेंदो मुँबै ङि यहूदी ह्रें ङ्हिंन-ङ्हिंनलाइन सैं तोंबै ताँ बिमिंसि क्ह्रिल् लमिंइ।

एफिसी 2:19

छतसि क्‍हेमैं अरू ह्रेंमैं तारे बिदेशि अथवा स्‍याँमैं आङिं, परमेश्‍वरए म्‍हिमैंइ योंब् धों तबै हग अथवा नागरिकता क्हेमैंज्यै या योंइमुँ। धै क्‍हेमैं या खीए परवार्बै म्हिमैं तइमुँ।

१ पत्रुस 2:9

दिलेया क्‍हेमैं छ आत, तलेबिस्याँ क्‍हेमैं परमेश्‍वरजी त्‍हाँबै कुल ग, परमेश्‍वर म्रुँए ख्रो पिंबै खेगिमैं, पबित्र ह्रें नेरो परमेश्‍वरए म्हिमैं ग। तलेबिस्याँ क्‍हेमैंइ “परमेश्‍वरए शक्‍ति ताँन् भन्दा थेब मुँ” बिसि उँइँमिंरिगे बिसि खीजी क्‍हेमैंलाइ मिछु खैबउँइँले तेसि खीए थेबै ह्‍वेर पखइ।