भजनमैं 145:9 - परमेश्‍वरए ताँ तमु क्युइर

⁹ याहवेहजी ताँनए फिर छ्याँब लम्, ह्रोंसजी बनेबै तोन्दोंरि सैमैंए फिर ल्हयो खमुँ।

भजनमैं 145:9 ပူးပေါင်းရင်းမြစ်များ

उत्पत्ति 9:10

छलेन क्यु झाजउँइँले क्हेमैंने बालु त्होंखबै ताँन् सो प्ह्‍याबै सैमैं नमेंमैं, न्हबै खेदोमैं, क्ह्‍योंर्बै खेदोमैं क्हेमैंने बालु मुँबै ह्‍युलर्बै सो प्ह्‍याबै ताँन् सैमैंने ङइ बाछा फैम्।

भजनमैं 100:5

तलेबिस्याँ याहवेह स्वाब मुँ, खीए म्हाँया खोंयोंन् बिलै तरिमुँ, पुस्ता-पुस्ता समान् खीए फिर ङ्योइ भर लल् खाँम्।

भजनमैं 104:27

फो ख्रेंबै त्हेर क्हिजी चमैंलाइ चबै सै पिंब्मुँ बिसि चमैं ताँनइ क्हिए घ्याँ ङ्ह्‍योरिम्।

भजनमैं 25:8

याहवेहजी ठिक निसाफ लमुँ, खी स्वाब मुँ, छतसि खीजी पापिमैंलाज्यै या ठिक घ्याँर प्रबर लोमिंम्।

भजनमैं 86:5

तलेबिस्याँ ओ प्रभु, क्हि स्वाब नेरो क्षमा पिंरिब् मुँ, क्हिए मिं किंब्मैं ताँनलाइ क्हिजी खोंयोंइ आनुबै थेबै म्हाँया लम्।

योना 4:11

दिलेया निनवे सहरर छ्याँब आछ्याँब फेलल् आखाँबै लाख घ्रिसे ङ्हिस्यु हजार भन्दा ल्हें म्हिमैं मुँ, धै ख्योदोमैं या चर ल्हेंन् मुँ। च थेबै सहरए ल्हागिर ङइ न्हुँ लल् आत्हुब् आ?”

मत्ती 5:45

छ लस्‍याँ मत्‍त्रे क्‍हेमैं स्‍वर्गर टिबै आबाए सन्‍तान तब्‍मुँ। तलेबिस्याँ परमेश्‍वरजी दुष्‍ट म्हिमैं नेरो छ्याँब् लब्मैं ङ्हिंना-ङ्हिंनए फिर त्‍हिंयाँ प्रेमिंमुँ, धै धर्मि नेरो पापिमैं ङ्हिंना ङ्हिंनए ल्हागिर नाँ युमिंइमुँ।

चेला चिब्मैंए केमैं 14:17

दिलेया खीजी क्हेमैंए फिर ल्हयो खसि स्वर्गउँइँले नाँ कुलसि रा-रोमैं रोबै त्हेर क्हेमैं चल् योंरिगे बिसि ल्हें रोमैं रोमिंइ धै क्हेमैं सैं तोंल् पिंइ। छाबै के लसि क्हेमैंए उँइँर परमेश्‍वरजी खीए ग्वाइ पिंइँमुँ।”

चेला चिब्मैंए केमैं 17:25

खीजीन् ताँनलाइ जीवन, सो नेरो तोन्दोंरि सै पिंमुँ। छतसि खीलाइ तोइ सैए खाँचो तब् धोंले म्हिए योउँइँले खीए सेवा लल् त्हुम् बिसि आमैंन्।