भजनमैं 145:5 - परमेश्‍वरए ताँ तमु क्युइर

⁵ क्हि बेल्‍ले छ्याँब नेरो म्हारब मुँ बिसि चमैंइ बयन लब्मुँ; क्हिजी औदिबै केमैं खैले लगे बिसि क्हिजी लबै केमैंए बारेर ङ मैंब्मुँ,

भजनमैं 145:5 ပူးပေါင်းရင်းမြစ်များ

उत्पत्ति 24:63

इसहाक ङेसा छझँ स्युरबर बैरु त्होंयाल। चइ ङ्ह्‍योमा सलुमैं खरिब् म्रोंइ।

भजनमैं 105:2

खीए ल्हागिरि क्वे प्रिंन्, खीए मिं थेब् लद्; खीजी लबै औदिबै केमैंए बयन लद्।

भजनमैं 111:3

खीजी लबै केमैंइ खीए मान नेरो इजेत थेब लमुँ, धै खीजी लबै ठिक केमैं खोंयोंन् बिलै तरिम्।

भजनमैं 119:27

क्हिजी ल्हैदिबै केमैं छेनाले क्होल् खाँरिगे बिसि क्हिजी लबै औदिबै केमैं ङइ मैंरिम्।

भजनमैं 71:24

ङए न्होह्रों लल् म्हैब्मैं फापिसि खैला तोला तबर फेइमुँ, छतसि ङए लेइ त्हिंइतिमिंन् क्हिजी लबै ठिक केमैंए बयन लब्मुँ।

भजनमैं 72:18

याहवेह परमेश्‍वरजी मत्‍त्रे औदिबै केमैं लम्, छतसि इस्राएलए परमेश्‍वरए मिं थेब तरिगे।

भजनमैं 96:3

खी बेल्‍ले थेब मुँ बिसि अरू ह्रेंमैंए म्हाँजोर बिप्रद्, ताँन् म्हिमैंए म्हाँजोर खीजी लबै औदिबै केमैंए बयन लद्!