भजनमैं 145:18 - परमेश्‍वरए ताँ तमु क्युइर

¹⁸ याहवेहए मिं किंब्मैं ताँनए चेंदों खी तरिम्, क्ह्रोसेंन्बै छ्याँबै सैंइ खीए मिं किंब्मैं ताँनए चेंदों खी तरिम्।

भजनमैं 145:18 ပူးပေါင်းရင်းမြစ်များ

भजनमैं 119:151

दिलेया ओ याहवेह, क्हि ङए ङाँर्न मुँ, धै क्हिए ताँन् ताँमैं क्ह्रोंसेंन्बै मुँ।

भजनमैं 119:2

खीजी बिबै ताँमैं ङिंब्मैं, नेरो सैं न्होंउँइँले खीलाइ म्हैब्मैंइ आशिक योंम्।

भजनमैं 17:1

ओ याहवेह! ल्होमिंन् बिसि ङइ ग्वार ह्रिमा क्हिजी थेमिंन्! छ्याँबै खोंउँइँले लबै ङए प्राथनार क्हिए न्ह तोमिंन्!

भजनमैं 34:18

सैं चोयाब्मैंने बालु याहवेह तमुँ; धै सैं सियाब्मैंलाइ खीजी सैं क्होल् लमिंमुँ।

भजनमैं 46:1

ङ्योए लोबै क्‍ल्‍ह्‍यो नेरो भों पिंब परमेश्‍वरन् ग, दुःख तमा युन्लेन् ङ्योलाइ ल्होमिंब खीन् ग।

भजनमैं 46:5

परमेश्‍वर च सहरर मुँ; छतसि च तेयारिब् आरे; न्हाग छझँ मि छेनाले आम्रोंबर्न परमेश्‍वरजी च ल्होमिंब्मुँ।

हितोपदेश 15:8

दुष्‍ट म्हिइ पिंबै ख्रो याहवेहजी आखो, दिलेया सोजो म्हिइ लबै प्राथना थेसि खी सैं तोंम्।

मत्ती 23:13

“धिक्‍कार मुँ, शास्‍त्रिमैं नेरो फरिसीमैं, क्‍हेमैं फिब्लो पार्दिब्मैं! स्‍वर्गर्बै ग्याल्सर होंल् म्हैबै म्‍हिमैंलाइ क्‍हेमैंइ म्रा तोरवाम्। क्‍हेमैं ह्रोंसै या आहों, होंल् म्‍हैब्‍मैंलाज्यै या होंल् आपिं।

यूहन्‍ना 14:23

येशूजी चने बिइ, “खाबइ ङलाइ म्हाँया लमुँ, चइ ङए ताँ ङिंमुँ, धै ङए आबाजी चलाइ म्‍हाँया लब्‍मुँ, झाइले आबा नेरो ङ च ङाँर युसि चने बालु टिब्‍मुँ।

यूहन्‍ना 4:24

परमेश्‍वर प्ल्ह ग। छतसि खीलाइ म्हाँदिब्मैंइ खी खैतबै परमेश्‍वर जा बिसि खीए पबित्र प्ल्हउँइँले मत्‍त्रे छेनाले म्हाँदिल् त्‍हुम्।”

याकूब 4:8

क्हेमैंए सैं परमेश्‍वर ङाँइ एद्, झाइले परमेश्‍वरै या क्‍हेमैं ङाँर खब्‍मुँ। ओ पापिमैं! आछ्याँबै के लब् पिसि छ्याँबै के लद्। सैं ङ्हिंरि लब्मैं! क्हेमैंए सैं छ्याँब लद्।