भजनमैं 145:1 - परमेश्‍वरए ताँ तमु क्युइर

¹ ओ ङए परमेश्‍वर, ङए म्रुँ, ङ क्हिए मिं थेब् लब्मुँ, ङ खोंयोंन् बिलै क्हिलाइ धन्यबाद पिंब्मुँ।

भजनमैं 145:1 ပူးပေါင်းရင်းမြစ်များ

भजनमैं 100:1

ओ ताँन् ह्‍युलर्बै म्हिमैं याहवेहए मिंर सैं तोंदै कै तेसि ओरद्!

भजनमैं 118:28

क्हि ङए परमेश्‍वर ग, छतसि ङ क्हिलाइन धन्यबाद पिंब्मुँ, क्हि ङए परमेश्‍वर ग, ङ क्हिलाइन थेब् लब्मुँ।

भजनमैं 145:21

ङए सुँइ याहवेहए मिं थेब् लसि पोंब्मुँ। सो प्ह्‍याबै तोन्दोंरि सैमैंइ खोंयोंन् बिलै खीए पबित्र मिं थेब् लरिगे।

भजनमैं 146:2

ङए छ्ह तिगोंन् ङ याहवेहए मिं थेब् लब्मुँ, छ्ह तिगोंन् ङ परमेश्‍वरए क्वेमैं प्रिंरिब्मुँ।

भजनमैं 149:2

ह्रोंसलाइ बनेबै परमेश्‍वरर्न इस्राएल सैं तोंरिगे; सियोनर्बै म्हिमैं ह्रोंसए म्रुँने सैं तोंरिगे!

भजनमैं 30:1

ओ याहवेह, क्हिजी ङ गैरुउँइँले कैंडो तेमिंइ, धै ङ म्रोंसि ङए शत्तुरमैं निस्योल् आपिंइमुँ, छतसि ङ क्हिए मिं थेब् लब्मुँ।

भजनमैं 30:12

छतसि ङ तोइ आबिल्‍ले टिरिब् आरे, ङ क्हिलाइन थेब् लबै क्वेमैं प्रिंमुँ। ओ ङए याहवेह पारमेश्‍वर, ङ खोंयोंन् बिलै क्हिलाइन धन्यबाद पिंरिब्मुँ।

भजनमैं 30:2

ओ ङए याहवेह परमेश्‍वर, ङ नमा ङइ क्हिने ल्होमिंन् बिसि ग्वार ह्रिइ, धै क्हिजी ङ सल् लमिंइ।

भजनमैं 34:1

खोंयोंन् बिलेया ङ याहवेहए मिं क्वेरिब्मुँ; ङए सुँर खोंयोंन् बिलै खीलाइन थेब् लबै ताँमैं तरिब्मुँ।

भजनमैं 44:4

क्हिन ङए म्रुँ नेरो ङए परमेश्‍वर ग; क्हिजी याकूबलाइ ट्होगों लमिंम्!

भजनमैं 45:1

छ्याँबै ताँमैंइ प्लिंसि ङए सैं बेल्‍ले तोंइमुँ; म्रुँए ल्हागिर ङइ प्ह्रिबै कबिता ङ बिमुँ; ङए ले छेनाले प्ह्रिल् ह्रबै म्हिए कलम धों तइमुँ।

भजनमैं 45:6

ओ परमेश्‍वर, क्हिए ग्याल्स खोंयोंन् बिलै तरिम्। ठिक केमैं लसि ह्रोंसए म्हिमैंए फिर क्हिजी ग्याल्स लम्;

भजनमैं 5:2

ओ ङए म्रुँ, ङए परमेश्‍वर, ङ क्हिनेन् प्राथना लम्, छतसि ङइ ग्वार ह्रिमा थेमिंन्।

भजनमैं 5:3

ओ याहवेह, न्हाँगर्न क्हिजी ङए कै थेम्; ङइ न्हाँग फोर्न क्हिने प्राथना लसि क्हि ङाँइँले योंबै ज्वाफ ह्रेरिम्।

भजनमैं 52:9

क्हिजी लमिंबै छ्याँबै केमैंए ल्हागिर ङ खोंयोंन् बिलै क्हिए मिंन् थेब् लब्मुँ। क्हिए मिं छ्याँब मुँ, छतसि ङइ क्हिए फिर्न भर लब्मुँ, क्हिजी बिब् ङिंब्मैंने बालुन् ङै या क्हिए मिं क्वेब्मुँ।

भजनमैं 68:4

परमेश्‍वरए मिंर क्वे प्रिंन्, खीए मिं थेब् लबै क्वे प्रिंन्; न्हाँम्स्योमैंए फिर क्रेसि स्युरबै परमेश्‍वरलाइ थेब् लद्; खीए मिं याहवेह ग; खीए उँइँर सैं तोंन्!

भजनमैं 75:9

दिलेया खीजी लबै थे-थेबै केमैंए बयन ङ खोंयोंन् बिले लब्मुँ; याकूबए परमेश्‍वरए मिं क्वेसि ङ क्वे प्रिंब्मुँ,

भजनमैं 95:3

तलेबिस्याँ याहवेह बेल्‍ले थेबै परमेश्‍वर ग, ताँन् देवतामैंए फिर्बै थेबै म्रुँ खीन् ग।

भजनमैं 96:2

याहवेहए ल्हागिर क्वे प्रिंन्, खीए मिं क्वेद्; खीजी ङ्योलाइ जोगेमिंइमुँ बिसि त्हिंइ ह्रोंसे बिप्रद्!

मत्ती 25:34

झाइले म्रुँजी ह्रोंसए क्‍योलो हारबै म्‍हिमैंने ‘खो, ङए आबाउँइँले आशिक योंबै म्‍हिमैं, ह्‍युल बनेब् ओंनोंन् क्‍हेमैंए ल्हागिर बनेथेंबै ग्याल्सर क्ल्हे लबर खो,’ बिब्मुँ।

दर्शन 19:16

खीए क्‍वें नेरो प्‍हाँर “प्रभुमैंए फिर्बै प्रभु, झाइले म्रुँमैंए फिर्बै म्रुँ,” बिबै मिं प्‍ह्रिल।