भजनमैं 144:1 - परमेश्‍वरए ताँ तमु क्युइर

¹ याहवेह ङ रक्षा लमिंबै पारा ग, छतसि ङ खीए मिं थेब् लब्मुँ। ङए योमैं नेबर, नेरो ङए योरिंमैं ल्हडें लबर खीजी लोमिंमुँ।

भजनमैं 144:1 ပူးပေါင်းရင်းမြစ်များ

भजनमैं 18:2

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

भजनमैं 18:3

ङ याहवेहए मिं किंम्, खी मान लल् त्हुब मुँ, ङए शत्तुरमैंउँइँले खीजी ङ जोगेमिंब्मुँ।

भजनमैं 18:31

तलेबिस्याँ याहवेह धों तबै परमेश्‍‍वर अरू खाब् मुँ? ङ्योए परमेश्‍वर धों तबै लोबै पारा अरू खाब् मुँ रो?

भजनमैं 18:34

छलेन ल्हडे खैले ट्होमुँ बिसेया खीजी ङलाइ लोमिंइमुँ, छतसि ङए योइ काँसाए त्हँलेमैंया कुरल् खाँम्।

भजनमैं 18:35

ङलाइ जोगेमिंबै ल्हागिर क्हिन् ङए ढाल तइमुँ। धै क्हिए क्योलो योजी ङ ल्होमिंइमुँ, ङलाइ थेब् लमिंबै ल्हागिर क्हि ह्रोंसन् कुरइमुँ।

भजनमैं 60:12

परमेश्‍वरउँइँले मत्‍त्रे ङ्योइ ट्होल् खाँब्मुँ, तलेबिस्याँ ङ्योए शत्तुरमैं प्लेवाब खीन् ग।

भजनमैं 71:3

ङ क्हि ङाँर खरिमा ङए शत्तुरमैंइ ङ आस्यारिगे बिसि ङ रक्षा लमिंबै पारा तमिंन्। ङलाइ जोगेबर ल्हैदिद्, तलेबिस्याँ क्हि ङए ङ रक्षा लमिंबै पारा नेरो किल्‍ला ग।

भजनमैं 95:1

खो, याहवेहए मिंर ङ्यो क्वे प्रिंले! ङ्यो रक्षा लमिंबै पारा ङाँर ह्‍यासि सैं तोंदै कै तेसि ओरले!

२ कोरिन्थी 10:4

तलेबिस्याँ ङिइ छेबै हातियार ह्‍युलर्बै म्‍हिमैंइ छेब् धों तब आङिं, ङिइ छेबै हातियारम् परमेश्‍वरए थेबै शक्‍ति मुँबै बचन ग। च बचनइ भोंबै किल्‍लामैं नास लवाल् खाँम्।