भजनमैं 143:8 - परमेश्‍वरए ताँ तमु क्युइर

⁸ न्हाँग छजँ क्हिए खोंयोंइ आनुबै म्हाँयाए बारेर थेरिगे; तलेबिस्याँ क्हिए फिर्न ङइ भर थेंइमुँ। ङ प्रल् त्हुबै घ्याँ ङलाइ लोमिंनु, तलेबिस्याँ ङए सो ङ क्हि ङाँइन क्वेमुँ।

भजनमैं 143:8 ပူးပေါင်းရင်းမြစ်များ

भजनमैं 119:34

ङलाइ क्होल् खाँबै शक्ति पिंन्, धै ङइ क्हिए ठिमर्बै ताँमैं म्हाँदिब्मुँ; धै ङए खों न्होंउँइँलेन् ङ ङिंब्मुँ।

भजनमैं 119:73

क्हिए योजीन् ङ बनेइ; क्हिए ताँमैं लोबर ङलाइ क्होबै शक्ति पिंन्।

भजनमैं 143:10

क्हिए सैंर मैंब पूरा लबै ल्हागिर ङलाइ लोमिंनु, तलेबिस्याँ क्हि ङए परमेश्‍वर ग! क्हिए खों बेल्‍ले छ्याँब मुँ, छतसि ङलाइ छ्याँबै घ्याँर डोरेमिंनु!

भजनमैं 25:20

ङए रक्षा लमिंन् धै ङलाइ जोगेमिंन्! ङ फा फिल् आत्हुरिगे, तलेबिस्याँ ङ क्हिए प्हलेर ग्वार योंबर खइमुँ।

भजनमैं 27:11

ओ याहवेह, क्हिए छ्याँबै घ्याँर प्रबर ङलाइ लोमिंन्। ङए शत्तुरमैं ल्हें मुँ, छतसि क्हिए छ्याँबै घ्याँर डोरेमिंन्।

भजनमैं 30:5

तलेबिस्याँ खी तिस्याँदे मत्‍त्रे ह्रिस खम्, दिलेया ङ्योए छ्ह तिगोंन् खीजी ल्हयो खरिम्। म्हुँइँस् तिमिंन् मिग्लि युलेया न्हाँगर बिस्याँ सैं तोंल् योंब्मुँ।

भजनमैं 32:8

“ङइ क्हिलाइ लोमिंब्मुँ,” बिसि याहवेहजी बिइ। “क्हि प्रल् त्हुबै घ्याँर ङइ क्हिलाइ डोरेमिंब्मुँ; ङइ क्हिलाइ लोदा-सैंदा लसि क्हिए फिर्न मि छरिब्मुँ।

भजनमैं 42:8

दिलेया याहवेहए खोंयोंइ आनुबै म्हाँया त्हिंयाँर ङने तमुँ, धै म्हुँइँसर खीए मिंर भजनमैं प्रिंसि ङलाइ छ्ह पिंबै परमेश्‍वरने ङइ प्राथना लम्।

भजनमैं 46:5

परमेश्‍वर च सहरर मुँ; छतसि च तेयारिब् आरे; न्हाग छझँ मि छेनाले आम्रोंबर्न परमेश्‍वरजी च ल्होमिंब्मुँ।

भजनमैं 5:8

ओ याहवेह, ङए शत्तुरमैं ल्हें मुँ छतसि क्हिए ठिक घ्याँर ङ डोरेमिंन्; क्हिए घ्याँ ङए ओंसों सोजो लमिंन्।

भजनमैं 59:16

दिलेया ङ बिस्याँ क्हिए शक्‍तिए क्वे प्रिंब्मुँ; ङए फिर क्हिजी लबै खोंयोंइ आनुबै म्हाँयाए बारेर ङ न्हाँगर्न क्वे प्रिंब्मुँ, तलेबिस्याँ क्हि ङए किल्‍ला नेरो ङए फिर दुःख तमा ङइ ग्वार योंबै क्‍ल्‍ह्‍यो तइमुँ।

भजनमैं 86:4

क्हिए के लबै म्हिलाइ सैं तोंल् लमिंन्, तलेबिस्याँ ओ प्रभु, ङ क्हिलाइन प्राथना लरिम्।

भजनमैं 90:14

ङिए छ्ह तिगोंन् सैं तोंदै निस्योल योंरिगे बिसि क्हिए खोंयोंइ आनुबै म्हाँयाजी न्हाँगर्न ङिलाइ छिं ङ्हाँन् लमिंन्।