भजनमैं 143:7 - परमेश्‍वरए ताँ तमु क्युइर

⁷ ओ याहवेह, ङइ ग्वार ह्रिब युनन् थेमिंन्, ङए सैं खैता-खैता तइमुँ! ङने बालु क्हिए लि आलोमिंनु, आस्याँ ङ क्रोंर फेनेब्मैं धोंन् तब्मुँ।

भजनमैं 143:7 ပူးပေါင်းရင်းမြစ်များ

भजनमैं 102:2

ङए फिर दुःख तमा क्हिए लि ङ ङाँइँले आलोमिंन्! क्हिए न्ह ङ ङाँइ तोमिंन्; धै ङइ ग्वार ह्रिमा ङलाइ युनन् ज्वाफ पिंन्!

भजनमैं 22:24

तलेबिस्याँ आगुइ ह्रुगुदिसि दुःख योंबै म्हिलाइ खीजी ल्होमिंम्, हेलै या आल, खीजी ह्रोंसए मोंडा छाबै म्हिमैंउँइँले आलो, चइ ल्होमिन् बिसि ग्वार ह्रिमा खीजी थेम्।

भजनमैं 27:9

ओ ङए मुक्‍ति पिंबै परमेश्‍वर! क्हिए मोंड ङ ङाँइँले आलोमिंन्, ह्रिस खमा क्हिए के लबै म्हिलाइ आस्योमिंन्। ङलाइ जोगेमिंबै परमेश्‍वर क्हि ग। छतसि ङलाइ आपिमिंन्।

भजनमैं 28:1

ओ याहवेह, ङ लोबै पारा, क्हिनेन् ङ ग्वार ह्रिमुँ, ङइ ग्वार ह्रिमा आथेब् धों आलमिंन्, क्हिजी ङए ताँ आथेमिंस्याँ, सिसि क्रोंर ह्‍याब्मैं धों ङ तब्मुँ।

भजनमैं 40:17

ङ बिस्याँ आयोंब् नेरो आख्युब मुँ, दिलेया प्रभुजी ङलाइ मैंम्। क्हिजी ङलाइ ल्होसि ताँन् दुःखउँइँले फ्रेमिंम्। ओ ङए परमेश्‍वर, युनन् यमिंन्।

भजनमैं 69:17

क्हिए लि ह्रोंसए केब्छैंउँइँले आलोमिंनु; तलेबिस्याँ ङए फिर थेबै दुःख तइ। छतसि युनन् ज्वाफ पिंन्।

भजनमैं 69:18

ङए चेंदोले खमिंनु धै ङलाइ जोगेमिंनु; ङए शत्तुरमैंउँइँले ङलाइ खामिंन्!

भजनमैं 69:3

ल्होमिंन् बिसि ओरन-ओरन ङ नारइमुँ; ङए म्‍लोंगो कारयाइमुँ। ङए परमेश्‍वरए घ्याँ ङ्ह्‍योन-ङ्ह्‍योन् ङ‍ए मि छेनाले म्रोंल् आखाँब् तइमुँ।

भजनमैं 70:5

दिलेया ङ आयोब् नेरो आख्युब मुँ; ओ परमेश्‍वर, ङए ङाँर युनन् युमिंन्! क्हिजी ङलाइ ल्होसि ताँन् दुःखउँइँले फ्रेमिंम्। ओ याहवेह, युनन् युमिंन्!

भजनमैं 71:12

ओ परमेश्‍वर, ङ ङाँइँले ह्रेंगो आतमिंन्; ओ ङए परमेश्‍वर, ङ ल्होबर युनन् युमिंन्!

भजनमैं 84:2

याहवेहए धिंर टिबै ल्हागिर ङए सोइ थेबै इच्छा लम्, धै मूर्छ तम्; ङए खों नेरो ज्युइ सैं तोंसि खोंयोंन् बिलै तरिबै परमेश्‍वरलाइ क्वे प्रिंम्।

हितोपदेश 13:12

आशा थेंबै सै आयोंमा सैं सिम्, दिलेया सैर मैंब् धों तमा भों खम्।

लूका 21:26

ह्‍युलर ङ्हिंन् ङ्हाँन् तब्‍मुँ बिसि म्‍हिमैं मुर्छा तयाब्मुँ। तलेबिस्याँ च त्हेर मुर्बै सैमैं या लायाब्मुँ‌।