भजनमैं 143:11 - परमेश्‍वरए ताँ तमु क्युइर

¹¹ ओ याहवेह, ङइ क्हिए मिं थेब लरिगे बिसि ङए सो जोगेमिंनु! क्हिजी खोंयोंइ ठिक के लमुँ, छतसि ङए दुःखउँइँले फ्रेमिंनु!

भजनमैं 143:11 ပူးပေါင်းရင်းမြစ်များ

भजनमैं 119:107

ङइ बेल्‍ले दुःख योंइमुँ; ओ याहवेह, क्हिजी बिब् धोंलेन् ङलाइ जोगेमिंन्!

भजनमैं 119:25

ङ त्हुलर्न सिबि छेइमुँ, छतसि क्हिजी बिब् धोंलेन् ङए रक्षा लमिंन्!

भजनमैं 119:37

ङए मिइ केर आफेबै सैमैं ङ्ह्‍योल् आपिंन्; क्हिए ताँइ बिब् धोंलेन् ङए‍ रक्षा लमिंन्।

भजनमैं 119:40

क्हिजी ल्हैदिबै केमैं ताँन् ङइ लइमुँ! छतसि ठिक निसाफ लसि ङलाइ जोगेमिंन्!

भजनमैं 119:88

क्हिए खोंयोंइ आनुबै म्हाँयाइ ङए फिर रक्षा लमिंन्, तलेबिस्याँ क्हिए सुँउँइँले त्होंबै ताँमैंइ बिब् धों ङइ लब्मुँ।

भजनमैं 138:7

ङइ ल्हें दुःख योंलै या क्हिजी ङ जोगेमिंम्। ङए शत्तुरमैं ह्रिस खसि ङने छैखमा क्हिजी यो स्योंम्, झाइले ह्रोंसए क्योलो योजी ङ जोगेमिंम्।

भजनमैं 143:1

ओ याहवेह, ङए प्राथना थेमिंनु, ल्होमिंन् बिसि ङइ ग्वार ह्रिब थेमिंनु! क्हि भर लल् खाँब नेरो ठिक के लबै परमेश्‍वर ग, छतसि ङलाइ जवाफ पिंनु।

भजनमैं 25:11

ओ याहवेह, ङइ आछ्याँबै केमैं ल्हें लइ। ङलाइ क्षमा पिंन्, तलेबिस्याँ क्हि क्षमा पिंबै परमेश्‍वर ग।

भजनमैं 25:17

ङए सैंर्बै दुःखमैं ल्हें ततै ह्‍याइमुँ; क्हिजीन् चु दुःखउँइँले ङ फ्रेमिंन्।

भजनमैं 31:1

ओ याहवेह, ङ खोंयोंइ फा पिल् आत्हुरिगे बिसि ङ क्हिए प्हलेर ग्वार योंबर खइमुँ। क्हि ठिक के लबै परमेश्‍वर ग। छतसि ङलाइ जोगेमिंन्!

भजनमैं 34:19

ठिक के लबै म्हिए फिर ल्हें दुःखमैं खमुँ, दिलेया याहवेहजी चए ताँन् दुःखउँइँले फ्रेमिंम्।

भजनमैं 71:2

क्हि ठिक निसाफ लबै परमेश्‍वर ग, छतसि आछ्याँबै सैमैंउँइँले फ्रेमिंसि ङलाइ जोगेमिंन्, ह्रोंसए न्ह ङ ङाँइ तोमिंनु धै ङ जोगेमिंन्!

भजनमैं 85:6

क्हिए म्हिमैं क्हिने बालुन् सैं तोंल् योंरिगे बिसि ङिलाइ धबै भोंसि आलमिं वा?