भजनमैं 142:5 - परमेश्‍वरए ताँ तमु क्युइर

⁵ ओ याहवेह, ङ क्हिनेन् ग्वार ह्रिमुँ; “क्हि ङए ग्वार योंबै क्‍ल्‍ह्‍यो, नेरो सोगोंमैंए ह्‍युलर ङ‍ए चैदिबै सै क्हिन् ग!” बिसि ङइ बिमुँ।

भजनमैं 142:5 ပူးပေါင်းရင်းမြစ်များ

भजनमैं 119:57

ओ याहवेह, ङ‍ए चैदिबै सै क्हिन् ग! क्हिए ताँमैं ङिंम् बिसि ङइ बाछा फैइमुँ।

भजनमैं 16:5

ओ याहवेह, ङइ योंल् त्हुबै सैमैं पिंब क्हिन् ग ङलाइ चैदिबै ताँन् सै क्हिजी पिंम्, ङए छ्ह या क्हिए योर्न मुँ।

भजनमैं 27:13

सोगोंमैंए ह्‍युलर ङ याहवेहए छ्याँबै केमैं म्रोंब्मुँ बिब ङलाइ अझै बिश्‍वास मुँ।

भजनमैं 35:12

चमैंए फिर ङइ छ्याँबन् ललेया चमैंइ ङए न्होह्रों लम्; धै ङए सैं बेल्‍ले च्योंन् लवाम्।

भजनमैं 46:1

ङ्योए लोबै क्‍ल्‍ह्‍यो नेरो भों पिंब परमेश्‍वरन् ग, दुःख तमा युन्लेन् ङ्योलाइ ल्होमिंब खीन् ग।

भजनमैं 46:11

स्वर्गर्बै सेनामैंए चिब याहवेह ङ्योने बालु मुँ; ङ्योलाइ जोगेमिंबै किल्‍ला याकूबए परमेश्‍वर ग। तिस्याँदे मैंन्

भजनमैं 46:7

स्वर्गर्बै सेनामैंए चिब याहवेह ङ्योने बालु मुँ; ङ्योलाइ जोगेमिंबै किल्‍ला याकूबए परमेश्‍वर ग। तिस्याँदे मैंन्

भजनमैं 56:13

तलेबिस्याँ छ्ह योंब्मैंए फिर परमेश्‍वरए ह्‍वे चारब् धोंले ङए फिरै या क्हिए ह्‍वे चारमिंन्; ङ क्हिए उँइँर छेनाले प्ररिगे बिसि क्हिजी ङए प्हले थुरसि क्हुरल् आपिं, धै कालए सुँउँइँले या क्हिजी ङ फ्रेपखइ।

भजनमैं 73:26

ङए सैं नेरो ज्यु ङ्हिंन-ङ्हिंन् भों आरेलै खाँम्, दिलेया परमेश्‍वरजी ङए सैंर भों पिंम् धै खोंयोंन् बिलै ङ‍ए चैदिबै सै क्हिन् ग।

भजनमैं 91:2

याहवेहए बारेर ङ बिब्मुँ, “खी ङए ग्वार योंबै क्‍ल्‍ह्‍यो नेरो ङए किल्‍ला ग, खी ङए परमेश्‍वर ग, खीए फिर ङइ भर थेंम्।”

यूहन्‍ना 16:32

ङ्ह्‍योत्ति! त्हे खसिन् मुँ, खल् खाँइ। च त्हेर क्हेमैं खन्तोदोंन् प्हुँयासि ह्रों-ह्रोंसए धिंर ह्‍याब्मुँ धै ङ घ्रिन् वाथेंब्मुँ। दिलेया ङ घ्रि आरे, तलेबिस्याँ आबा ङने बालुन् मुँ।

२ तिमोथी 4:17

ताँन् म्हिमैंइ प्रभुए ताँ थेल् योंरिगे बिसि प्रभु ङए ङाँर रायुइ, धै खीए ताँ बिबै ल्हागिर ङलाइ भों पिंइ। छतसि ङ सिंहए सुँउँइँले स्योरसि खल् खाँइ।