भजनमैं 140:7 - परमेश्‍वरए ताँ तमु क्युइर

⁷ ओ याहवेह, ङलाइ जोगेमिंबै शक्ति मुँबै परमेश्‍वर, ल्हडें तबै त्हिंइर क्हिजी ङए क्र जोगेमिंमुँ।

भजनमैं 140:7 ပူးပေါင်းရင်းမြစ်များ

भजनमैं 144:10

क्हिजी म्रुँमैंलाइ ट्होल् पिंमुँ, क्हिजी ह्रोंसए के लबै दाऊदलाइ न्होह्रों लबै सेलाउँइँले जोगेमिंमुँ।

भजनमैं 18:35

ङलाइ जोगेमिंबै ल्हागिर क्हिन् ङए ढाल तइमुँ। धै क्हिए क्योलो योजी ङ ल्होमिंइमुँ, ङलाइ थेब् लमिंबै ल्हागिर क्हि ह्रोंसन् कुरइमुँ।

भजनमैं 27:1

याहवेह ङए चारबै ह्‍वे नेरो ङए मुक्‍ति ग! ङ खाब्ने ङ्हिंब? याहवेहन् ङए रक्षा लबै किल्‍ला ग। छतसि ङ खाब् म्रोंसि ङ्हिंब?

भजनमैं 31:15

ङए छ्ह क्हिए योर्न मुँ; ङए शत्तुरमैं नेरो ङलाइ ह्रुगुदिब्मैंए योउँइँले ङ जोगेमिंन्!

भजनमैं 59:17

ओ ङए भों, क्हिए बयन लदै ङ क्वे प्रिंब्मुँ, ओ परमेश्‍वर, क्हि ङए किल्‍ला, नेरो ङलाइ खोंयोंइ आनुबै म्हाँया लबै परमेश्‍वर ग।

भजनमैं 62:2

खी मत्‍त्रे ङ रक्षा लमिंबै पारा, नेरो ङए किल्‍ला ग, छतसि ङ ङ्हिंसि त्हाररिब् आरे।

भजनमैं 62:7

परमेश्‍वरए फिर बिश्‍वास लसि ङइ मुक्‍ति नेरो मान योंमुँ। ङए भोंबै पारा नेरो ङए ग्वार योंबै क्‍ल्‍ह्‍यो परमेश्‍वरन् ग।

भजनमैं 89:26

चइ ङने छ बिसि बिन्ति लब्मुँ, ‘क्हि ङए आबा, ङए परमेश्‍वर ग, धै क्हिजी ङ जोगेमिंसि रक्षा लमिंम्।’

भजनमैं 95:1

खो, याहवेहए मिंर ङ्यो क्वे प्रिंले! ङ्यो रक्षा लमिंबै पारा ङाँर ह्‍यासि सैं तोंदै कै तेसि ओरले!