भजनमैं 140:13 - परमेश्‍वरए ताँ तमु क्युइर

¹³ क्ह्रोंसेन ठिक के लब्मैंइ क्हिए मिंलाइ थेब लब्मुँ, झाइले सोजो म्हिमैं क्हिए उँइँर टिब्मुँ।

भजनमैं 140:13 ပူးပေါင်းရင်းမြစ်များ

भजनमैं 11:7

तलेबिस्याँ याहवेहजी ठिक निसाफ लम्, ठिक केमैं खीजी खोम्; सोजो म्हिमैंइ खीए लि म्रोंब्मुँ।

भजनमैं 16:11

क्हिजी खोंयोंइ आखाँबै छ्ह योंबै घ्याँ ङलाइ उइमिंइमुँ; क्हिने त्होमा ङए सैं बेल्‍ले तोंन् लमिंब्मुँ; क्हिए क्योलो योर खोंयोंन् बिलै सैं तोंल् योंम्।

भजनमैं 23:6

क्ह्रोंसेंन्ले क्हिए खोंयोंइ आनुबै म्हाँया नेरो आशिक ङए छ्ह तिगोंन् ङने प्रे तरिब्मुँ, धै ङ खोंयोंन् बिलै याहवेहए धिंर टिब्मुँ।

भजनमैं 32:11

ओ ठिक के लब्मैं, याहवेहजी लबै केमै मैंसि सैं तोंसि कै तेद्, ओ छ्याँबै सैं प्ह्‍याब्मैं, सैं तोंदै खीए जयजय लद्।

भजनमैं 35:10

“ओ याहवेह, क्हि धों तब खाब् मुँ? क्हिजी भों आरेब्मैंलाइ ह्रोंस भन्दा भोंबै म्हिमैंउँइँले जोगेमिंम्, छले भों आरेब्मैं नेरो आयों आख्युब्मैंलाइ ह्रुगिदिबै म्हिमैंउँइँले क्हिजी चमैंलाइ जोगेमिंम्,” बिसि ङए ताँन् ज्यु नेरो सैंइ बिप्रम्।

भजनमैं 73:24

क्हिजी सल्‍ला पिंसि ङलाइ डोरेमिंम्, धै लिउँइँ ङ क्हि ङाँर मान योंबै क्ल्ह्‍योर बोब्मुँ।

भजनमैं 97:12

ओ ठिक के लब्मैं, याहवेहने सैं तोंन्, धै खीए पबित्र मिंर धन्यबाद पिंन्!

हितोपदेश 22:23

तलेबिस्याँ याहवेहजीन् चमैंए मुद्दा नेमिंब्मुँ, धै चमैंलाइ लुडिब्मैंलाइ याहवेहजी लुडिब्मुँ।

यूहन्‍ना 14:3

ङ ह्‍यासि क्हेमैंए ल्हागिर क्ल्ह्‍यो तयार लल् खाँबै ‍लिउँइँ ङ धबै युब्मुँ, धै क्हेमैं ङ ङाँर बोयाब्मुँ। झाइले ङ टिबै क्ल्ह्‍योर क्हेमैं या टिल् योंब्मुँ।

यूहन्‍ना 17:24

“ओ आबा, चु ह्‍युल बनेब् भन्दा ओंसों ओंनोंन् क्हिजी ङलाइ म्हाँया लसि थेबै मान पिंइ। क्हिजी ङने पिंबै म्हिमैं ङए थेबै मान म्रोंबर चमैं ङ टिबै क्ल्ह्‍योरि ङने बालुन् तरिगे बिब ङए सैं मुँ।

१ थेसलोनिकी 4:17

झाइले ङ्यो प्रभु येशू युबै त्हिंइ समा सोरिब्मैं मुर प्रभुने त्होबर चमैंनेन् न्‍हाँम्‍स्योने बालु क्वेबोब्मुँ। छले ङ्यो खोंयोंन् बिलै प्रभुनेन् टिब्मुँ।