भजनमैं 13:2 - परमेश्‍वरए ताँ तमु क्युइर

² खोंयों समा ङइ सैं न्होंरि दुःख सैदिल् त्हुब् जा? धै त्हिंइ ह्रोंसे ङइ कति न्हुँ लब? खोंयों समा ङए शत्तुरमैं ङए फिर ट्होगों तरिम्?

भजनमैं 13:2 ပူးပေါင်းရင်းမြစ်များ

एस्तर 7:6

एस्तरइ बिइ, “ङलाइ सैल् म्हैबै ङिए शत्तुर चु दुष्‍ट हामानन् ग।” छ बिब् थेसि म्रुँ नेरो म्रुँस्योए ओंसों हामान बेल्‍ले ङ्हिंइ।

भजनमैं 10:18

आबा आरेब्मैं नेरो आगुइ क्र ओलै आपिंब्मैं क्हिजी जोगेमिंम्, तलेबिस्याँ ह्‍युलर्बै सिल् त्हुबै म्हिइ धबै खाबै फिरै या दुःख पिंल् खाँरिब् आरे।

भजनमैं 116:3

कालए छोइ ङलाइ फैइ; क्रोंर्बै दुःख ङ फिर खइ; दुःख नेरो शोक ङलाइ प्लेइ।

भजनमैं 17:9

ङलाइ लुडिबै दुष्‍टमैंउँइँले नेरो ङए न्होह्रों लबर ङए कारग्यु तखबै शत्तुरमैंउँइँले जोगेबर क्हिए प्ह्‍यागोंए न्होंर ङलाइ लोथेंन्।

भजनमैं 31:18

स्योर ताँ पोंबै चमैंए म्हदेमैं म्रुयारिगे, तलेबिस्याँ चमैंइ थेब् प्हैंदै ठिक के लब्मैंए बिरोधर म्हि आच्हिल्‍ले पोंम्।

भजनमैं 38:17

दिलेया ङए सैंर खोंयोंन् बिलै शोकन् तरिइमुँ, ङ क्हुरियाबिन् छेइमुँ।

भजनमैं 42:4

सैं तोंदै धन्यबाद पिंबै म्हिमैंए चिब ङ तल। छतसि परमेश्‍वरए मिं क्वेबर ह्‍याबै ल्हें म्हिमैंने क्ह्रिसि ङइ चमैंलाइ परमेश्‍वरए धिंउँइँ बोब्रें लमल। चु ताँमैं मैंरिमा ङए सैं बेल्‍ले नम्।

भजनमैं 6:4

ओ याहवेह, ङ ङाँइ तोद्, ङ सिल् आपिंन्; खोंयोंइ आनुबै क्हिए म्हाँया ङए फिर मुँबइले ङ जोगेमिंन्।

भजनमैं 7:2

क्हिजी आजोगेमिंस्याँ चमैंइ सिंहइ धोंले ङ रुएवाब्मुँ, धै ङलाइ फ्रेमिंबै म्हि खाबै आरेमा चमैंइ ङ कुदु-कुदु लवाब्मुँ।

भजनमैं 74:10

ओ परमेश्‍वर, खोंयों समा शत्तुरमैंइ क्हिलाइ प्ह्रब्मुँ? शत्तुरमैंइ खोंयोंइन क्हिए मिंलाइ स्याररिम्‍म?

भजनमैं 74:18

ओ याहवेह, शत्तुरमैंइ क्हिलाइ खैले प्ह्रइमुँ, धै मुर्ख म्हिमैंइ क्हिए मिंलाइ स्यारइमुँ बिसि मैंमिंन्।

भजनमैं 8:2

कोलोमैं नेरो ङ्‍हे थुँबै कोलो ओंलाँमैंए सुँउँइँले या क्हिजी ह्रोंसए मिंर क्वे प्रिंल् पिंइमुँ। क्हिए शत्तुरमैं नेरो बिरोधीमैंए सुँ म्रुबै ल्हागिर क्हिजी छ लब् ग।

भजनमैं 9:6

ङए शत्तुरमैंए फिर तोइ आचैन् लवाबै दुःख खइमुँ, चमैं टिबै क्ल्ह्‍योमैं क्हिजी स्युवाइमुँ; छतसि चमैंए मिं क्ह्रन् म्हयाइमुँ।

हितोपदेश 15:13

सैं तोंस्याँ म्हिए लि वाँ-वाँ ब्योंम्, दिलेया न्हुँ तमा सैं आतों।

मत्ती 26:38

छतमा खीजी चमैंने बिइ, “ङए सैंर थेबै शोक तसि सिब् धोंन् तइमुँ। क्‍हेमैं न्हरु आच्हुल्‍ले ङने बालुन् चुर्न टिद्।”

लूका 22:53

ङ त्हिंइ ह्रोंसे क्‍हेमैंने ‍बालुन् मन्दिरर मुँमा क्‍हेमैंइ ङ आक्हा। दिलेया तारे क्हेमैंए त्हे तइमुँ। छतसि क्हेमैं तो के लबर खल, च के लद्, तलेबिस्याँ मिछु खैबर्बै शक्‍तिए के लबै त्हे चुन् ग।”

यूहन्‍ना 16:6

दिलेया ङइ चु ताँ बिबइले क्हेमैंए सैंर बेल्‍ले न्हुँ तइमुँ।

रोमी 9:2

ताँ तो जा बिस्‍याँ, ङइ खोबै यहूदी म्हिमैंए बारेर ङए सैंर ल्हें दुःख नेरो पिर मुँ।

फिलिप्पी 2:27

क्‍ह्रोंसेन च सिया सियाले नल। दिलेया परमेश्‍वरजी चए फिर ल्हयो उँइँमिंइ। चए फिर मत्‍त्रे ल्हयो आल, ङलाइ न्हुँ फिर न्हुँ आतरिगे बिसि ङए फिरै या ल्हयो उँइँमिंइ।