भजनमैं 128:3 - परमेश्‍वरए ताँ तमु क्युइर

³ क्हिए प्ह्रेंस्यो क्हिए धिंर बेल्‍ले रोबै अँगुरए धुँ धों तब्मुँ; क्हिए प्हसेमैं क्हिए टेबलए खागु जैतुनए त्होर धोंन् तब्मुँ।

भजनमैं 128:3 ပူးပေါင်းရင်းမြစ်များ

उत्पत्ति 49:22

“योसेफ बेल्‍ले रो-रोबै झ्याल् घ्रि ग, क्यु मुल ङाँर्बै रो रोबै झ्याल् ग। चए हाँगमैं गाराए फिफि ख्ल्याँब्मुँ।

भजनमैं 127:3

च्ह च्हमिमैं याहवेहजी पिंबै आशिकमैं ग, फो न्होंर्बै प्हसेमैं खीजी पिंबै इनाम ग।

भजनमैं 127:5

त्हुर ल्हें मे मुँबै म्हि आशिक योंबै म्हि ग, तलेबिस्याँ निया लबै क्ल्ह्‍योर शत्तुरमैंए उँइँर राल् त्हुमा च फापिल् त्हुरिब् आरे।

भजनमैं 144:12

झाइले फ्रेंसि तबै त्हेर ङ्योए च्हमैं सपर्दिबै सिंधुँमैं धोंन् तरिगे, धै ङ्योए च्हमिमैं दरबार सिंगार्दिबर कुन्दिबै त्होमैं धोंब तरिगे;

भजनमैं 52:8

दिलेया ङ बिस्याँ परमेश्‍वरए धिंर मुँबै पिंक्यो भ्योंबै जैतुनए धुँ धोंन् तइमुँ, तलेबिस्याँ परमेश्‍वरए खोंयोंइ आनुबै म्हाँयार ङइ भर थेंइमुँ।

रोमी 11:24

क्‍हेमैं अरू ह्रेंर्बै म्‍हिमैं क्ह्‍योंर्बै सिं धुँउँइँले हाँग थोवासि बगैंचार्बै सिं धुँने से आक्ह्रिलेया गैंदिइमुँ। यहूदीमैं बगैंचार्बै सिं धुँए हाँगमैं धों तब् ग। क्ह्‍योंर्बै हाँगमैं भन्दा च ओंसों थोवाबै हाँगमैं धबै एपसि गैंदिब परमेश्‍वरए ल्हागिर झन् स्वाब तम्।