भजनमैं 123:1 - परमेश्‍वरए ताँ तमु क्युइर

¹ ओ स्वर्गर्बै राजगद्दिर टिबै परमेश्‍वर, क्हि ङाँइन ङ ङए मि क्वेइमुँ।

भजनमैं 123:1 ပူးပေါင်းရင်းမြစ်များ

भजनमैं 11:4

दिलेया याहवेह ह्रोंसए पबित्र क्ल्ह्‍योर मुँ; याहवेहए राजगद्दि स्वर्गर मुँ; खीजी म्हिमैंलाइ छेनाले ङ्‍ह्‍योमुँ; खीजी ह्रोंसए मिजी चमैंए जाँच लमुँ।

भजनमैं 115:3

ङिए परमेश्‍वर स्वर्गर मुँ; खीजी तो लदा ङ्हाँमुँ चन् लम्।

भजनमैं 120:1

ङए दुःखर ङ याहवेहने ग्वार ह्रिमा खीजी ङने ज्वाफ पिंम्।

भजनमैं 121:1

कोंमैंउँइँ ङइ मि ङ्ह्‍योमुँ। ङलाइ ल्होबर खनिउँइँले युम्?

भजनमैं 122:1

“लु, ङ्यो याहवेहए धिंर ह्‍याले!” बिसि म्हिमैंइ ङने बिमा ङए सैं तोंइ।

भजनमैं 124:1

“याहवेह ङ्योने बालु आरेस्याँ!” इस्राएलीमैंइ बिरिगे।

भजनमैं 125:1

याहवेहए फिर भर थेंब्मैं सियोन कों धों तम्, च कोंलाइ खाबज्यै लाल् आखाँ, खोंयोंन् बिलै तरिम्।

भजनमैं 126:1

याहवेहजी ङिलाइ सियोनर एपखमा ङि म्होंड धोंन् ङ्हाँइ।

भजनमैं 127:1

याहवेहजीन् धिं आबनेस्याँ बनेब्मैंए के फाकर्न तम्। याहवेहजीन् सहर आरुँमिंस्याँ रुँब्मैंइ रुँब फाकर्न तम्।

भजनमैं 128:1

याहवेहलाइ मान लब्मैं नेरो खीए घ्याँर प्रब्मैं ताँनइ आशिक योंम्!

भजनमैं 129:1

“ङ कोलो मुँब् ओंनोन् चमैंइ ङए फिर ल्हें खे दुःख पिंइमुँ!”

भजनमैं 130:1

ओ याहवेह, गैरु क्ल्ह्‍योउँइँले ङइ क्हिने ग्वार ह्रिइमुँ!

भजनमैं 131:1

ओ याहवेह, ङए सैं थेब आप्हैं, ङ थेब् तदा आङ्हाँ; ह्रोंसइ आक्होबै सैमैं नेरो ह्रोंसइ लल् आखाँबै सैमैंर ङ क्होसि आटि।

भजनमैं 132:1

ओ याहवेह, दाऊदलाइ मैंमिंन्, चइ योंबै ताँन् दुःखमैं मैंमिंन्।

भजनमैं 133:1

थेद्, आघें-अलिमैं क्ह्रिसि टिब बेल्‍ले छ्याँबै सैं तोंबै ताँ ग!

भजनमैं 134:1

ओ याहवेहए सेवा लब्मैं, म्हुँइँसर याहवेहए धिंर राब्मैं, याहवेहए मिं क्वेद्!

भजनमैं 141:8

ओ याहवेह ङए प्रभु, ङए मि क्हि ङाँइन ङ्‍ह्‍योरिमुँ, क्हिए प्हलेर्न ङ ग्वार ह्रिबर खइमुँ! ङलाइ कालए सुँर आभ्योंमिंन्!

भजनमैं 2:4

चमैं म्रोंसि स्वर्गर्बै राजगद्दिर टिबै याहवेह निस्योम्; खीजी चमैंलाइ प्ह्रम्।

भजनमैं 25:15

ङए मिइ खोंयोंन् बिलै याहवेह ङाँइँन ङ्‍ह्‍योरिमुँ, तलेबिस्याँ खीजीन् ङए प्हलेमैं ङोउँइँले जोगेमिंब्मुँ।

मत्ती 6:9

क्‍हेमैंइ प्राथना लमा छले लद्: ओ स्‍वर्गर मुँबै ङिए परमेश्‍वर आबा, क्हिए मिं पबित्र तरिगे।

लूका 18:13

“दिलेया च बालि रेबै म्‍हि ह्रेंगोन् रासि ‘ङम् स्वर्गउँइँ ङ्‌ह्‍योबै लायकर्बै आरे’ ङ्हाँइ। धै सैं च्योंने लदै ह्रोंसए तिंर ठौदिदै ‘ओ परमेश्‍वर, ङ पापि म्‍हि ग। ङए फिर ल्हयो खमिंन्,’ बिइ।