भजनमैं 12:6 - परमेश्‍वरए ताँ तमु क्युइर

⁶ याहवेहजी फैबै बाछामैं खोट आरेब मुँ, सए कोदर मिइ ङिखे समा खारिदिबै चाँदि धोंब खीजी फैबै बाछा मुँ।

भजनमैं 12:6 ပူးပေါင်းရင်းမြစ်များ

भजनमैं 119:140

क्हिजी फैबै बाछार्बै ताँमैं जाँच लसि पक्‍का मुँ, छतसि क्हिए के लबै म्हिइ च ताँ बेल्‍ले खोम्।

भजनमैं 18:30

परमेश्‍वरए बारेर बिब् ग बिस्याँ, खीए घ्याँ बेल्‍ले छ्याँब मुँ, याहवेहजी बिबै बाछा भर लल् खाँब मुँ; खीए प्हलेर ग्वार योंब्मैं ताँनए ल्हागिर ढाल ग।

भजनमैं 19:8

याहवेहए ठिममैं ठिक मुँ, खीजी ल्हैदिबै के लइ बिस्याँ सैं तोंल् योंम्। याहवेहजी बिबै ताँमैं ठिक मुँ, च ताँमैंइ ङ्योए न्ह मि थोंमिंम्।

भजनमैं 66:10

ओ परमेश्‍वर, क्हिजी ङिए जाँच् लइमुँ, क्हिजी ङि चाँदि धोंले खार्दिइमुँ।

भजनमैं 76:10

क्ह्रोंसेंन् म्हिमैंने क्हिए ह्रिस खमा क्हिए मिंन् थेब् लब्मुँ; झाइले क्हिए ह्रिसउँइँले सोब्मैंइ आछ्याँबै के लब पिवाब्मुँ।

भजनमैं 9:13

ओ याहवेह, ङ फिर दयाम्हाँया लमिंन्! ङ्ह्‍योत्ति, ङलाइ आखोब्मैंउँइँले ङइ बेल्‍ले दुःख योंल् त्हुइमुँ। छतसि कालए सुँउँइँले ङलाइ जोगेमिंन्।

प्रस्थान 3:7

झाइले याहवेहजी बिइ, “मिश्रर मुँबै ङए म्हिमैंइ योंबै दुःख ङइ म्रोंइमुँ। धै के ल्हैदिबै चिब्मैंइ दुःख पिंमा चमैंइ ग्वार ह्रिबै या ङइ थेइमुँ। चमैंइ दुःख योंब ङइ सेइमुँ।

प्रस्थान 3:8

छतसि चमैं मिश्रीमैंए योउँइँले फ्रेसि च ह्‍युलउँइँले छ्याँब नेरो थेबै ह्‍युलर, अथवा ङ्‍हे नेरो खुदु ल्हें योंबै ह्‍युलर पखबर ङ तयुइमुँ। च ह्‍युलर कनानी, हित्ती, एमोरी, परिज्जी, हिव्वी नेरो यबूसीमैं टिब्मुँ।

प्रस्थान 6:1

च त्हेर याहवेहजी मोशाने बिइ, “ङइ फारोलाइ तो लब्मुँ बिसि तारे क्हिइ म्रोंब्मुँ। ङए भोंबै योइ लमा चइ क्हेमैं ह्‍याल् पिंब्मुँ। ङए भोंबै योइ लमा चइ ह्रोंसए ह्‍युलउँइँले चमैंलाइ ल्हावाब्मुँ।”

हितोपदेश 22:23

तलेबिस्याँ याहवेहजीन् चमैंए मुद्दा नेमिंब्मुँ, धै चमैंलाइ लुडिब्मैंलाइ याहवेहजी लुडिब्मुँ।

हितोपदेश 30:5

परमेश्‍वरए ताँ छ्याब आरेब मुँ; खीए प्हलेर खब्मैं ताँनल खी ढाल ग।