भजनमैं 119:144 - परमेश्‍वरए ताँ तमु क्युइर

¹⁴⁴ क्हिजी बिबै ताँमैं खोंयोंन् बिलै ठिक मुँ! ङ सोरिगे बिसि च ताँमैं क्होबै शक्ति पिंन्।

भजनमैं 119:144 ပူးပေါင်းရင်းမြစ်များ

भजनमैं 119:138

क्हिजी बिबै ताँमैं ठिक मुँ, धै क्ह्रोंसेंन्बै भर लल् खाँबै ताँमैं मुँ।

भजनमैं 119:151

दिलेया ओ याहवेह, क्हि ङए ङाँर्न मुँ, धै क्हिए ताँन् ताँमैं क्ह्रोंसेंन्बै मुँ।

भजनमैं 119:152

खोंयोंन् बिलै तरिगे बिसि क्हिजी क्हिए ताँमैं प्ह्रिथेंइ बिसि ङइ च ताँमैंउँइँले ओंसों ओंनोंन् लोइ।

भजनमैं 119:169

ओ याहवेह, ङइ ग्वार ह्रिमा क्हिजी थेमिंनु; क्हिए ताँइ बिब् धोंले ङलाइ क्होबै शक्ति पिंन्!

भजनमैं 119:17

ङ ल्हें सोसि क्हिए ताँमैं ङिंरिगे बिसि ह्रोंसए के लबै म्हिलाइ बिब् धों मैंब् धों लमिंनु।

भजनमैं 119:34

ङलाइ क्होल् खाँबै शक्ति पिंन्, धै ङइ क्हिए ठिमर्बै ताँमैं म्हाँदिब्मुँ; धै ङए खों न्होंउँइँलेन् ङ ङिंब्मुँ।

भजनमैं 119:66

क्हिए ताँमैं ङइ क्वेंइमुँ; छतसि ज्ञान बुद्धिए छ्याँब ताँमैं ङलाइ लोमिंन्।

भजनमैं 119:73

क्हिए योजीन् ङ बनेइ; क्हिए ताँमैं लोबर ङलाइ क्होबै शक्ति पिंन्।

भजनमैं 19:9

खीलाइ मान लद् बिबै ताँ छ्याँब मुँ, धै खोंयोंन् बिलै तरिब्मुँ। याहवेहए ठिमर्बै ताँमैं क्ह्रोंसेंन्बै मुँ, चु ताँमैं ठिक मुँ।

हितोपदेश 10:21

ठिक के लबै म्हिइ पोंबै ताँइ ल्हें म्हिलाइ छ्याँब् लम्, दिलेया ज्ञान बुद्धिए ताँ आथेबइले आमादुमैं नास तयाम्।

हितोपदेश 4:4

ङए आबाइ ङ लोदा सैंदा लदै “ङइ बिबै ताँमैं क्हिए सैंर थेंन्; ङइ बिबै ताँमैं ङिंन्, छलस्याँ क्हिइ छेनाले छ्ह थोब्मुँ,” बिमल।

हितोपदेश 7:2

ङइ बिबै ताँमैं ङिंस्याँ क्हिए छ्ह छ्याँब तब्मुँ; क्हिए मि फुँ जोगेब् धोंले ङए अर्तिमैं जोगेसि थेंन्।

मत्ती 13:19

कोइ म्‍हिमैंइ स्‍वर्गर्बै ग्याल्सए बारेर थेलेया क्‍होल् आखाँ। छतसि चमैं घ्‍याँर तेबै प्‍लु धोंन् तब् ग। चमैंए सैंउँइँले दुष्‍टइ च प्‍लुमैं प्‍हेंवाम्।

मत्ती 5:18

तलेबिस्याँ क्ह्रोंसेंन ङ क्हेमैंने बिमुँ, स्वर्ग नेरो पृथ्‍बी नास आतन् समा ठिमर प्ह्रिबै च्‍योंब भन्दा च्‍योंबै ताँ या पूरा आतन्ले म्‍हरिब् आरे।

यूहन्‍ना 17:3

म्हिमैंइ क्हि घ्रि मत्‍त्रे क्ह्रोंसेंन्बै परमेश्‍वरलाइ ङो सेब नेरो क्हिजी कुल्मिंबै येशू ख्रीष्‍टलाइ ङो सेबन् खोंयोंइ आखाँबै छ्ह ग।

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।