भजनमैं 116:8 - परमेश्‍वरए ताँ तमु क्युइर

⁸ ओ याहवेह, क्हिजी ङए सो कालाउँइँले फ्रेमिंइमुँ, ङए मिर मिग्लि युल् आपिंइमुँ, धै ङए प्हले थुरल् आपिंइमुँ।

भजनमैं 116:8 ပူးပေါင်းရင်းမြစ်များ

भजनमैं 37:24

च थुरलैया क्हुररिब् आरे तलेबिस्याँ याहवेहजी ह्रोंसए योइन चए यो क्हासि क्हुरल् पिंरिब् आरे।

भजनमैं 49:15

दिलेया ङलाइ बिस्याँ परमेश्‍वरजी क्रोंउँइँले फ्रेमिंब्मुँ, धै खीने बालुन् टिल् पिंब्मुँ। तिस्याँदे मैंन्

भजनमैं 56:13

तलेबिस्याँ छ्ह योंब्मैंए फिर परमेश्‍वरए ह्‍वे चारब् धोंले ङए फिरै या क्हिए ह्‍वे चारमिंन्; ङ क्हिए उँइँर छेनाले प्ररिगे बिसि क्हिजी ङए प्हले थुरसि क्हुरल् आपिं, धै कालए सुँउँइँले या क्हिजी ङ फ्रेपखइ।

भजनमैं 86:13

तलेबिस्याँ ङए फिर क्हिए खोंयोंइ आनुबै म्हाँया बेल्‍ले थेब मुँ; धै क्हिजी ङए सो क्रोंर्बै गैरु क्ल्ह्‍योउँइँले फ्रेमिंइमुँ।

भजनमैं 94:18

ओ याहवेह, “ङए प्हले प्लेइमुँ” बिसि ङ‌इ बिमा क्हिए खोंयोंइ आनुबै म्हाँयाजी ङ थौंदिमिंइ।

दर्शन 21:4

खीजी चमैंए मिग्लि योगुर्ले फ्‍योमिंब्‍मुँ। च त्हेसेरो खाबै आसि, शोक आत, क्रोब-म्‍होब नेरो दुःख कष्‍ट खोंयोंइ या आत। ओंसोंबै ताँन् सैमैं म्हयाल् खाँइमुँ।”

दर्शन 7:17

तलेबिस्याँ राजगद्दिए म्‍हाँजोर मुँबै क्‍यु च्हजजीन् चमैंए प्‍ह्रोंछैं तसि रक्षा लब्मुँ, धै खोंयोंइ आखाँबै छ्ह योंबै क्‍युए मूलर खीजी चमैंलाइ डोरेसि बोमिंब्‍मुँ। धै परमेश्‍वरजी चमैंए मिर्बै मिग्लि फ्‍योमिंब्‍मुँ।”