भजनमैं 115:14 - परमेश्‍वरए ताँ तमु क्युइर

¹⁴ याहवेहजी क्हेमैंलाइ ल्हें लमिंरिगे, क्हमैं नेरो क्हेमैंए सन्तानलाइ ल्हें लमिंरिगे।

भजनमैं 115:14 ပူးပေါင်းရင်းမြစ်များ

उत्पत्ति 13:16

ङइ क्हिए प्हसेमैं पृथ्‍बीर्बै त्हुल् धोंलेन् ल्हें लमिंब्मुँ। खाबज्यै त्हुल् च्योल् आखाँ! त्हुल् च्योल् खाँम् बिस्याँ क्हिए प्हसेमैं या च्योल् खाँब्मुँ।

उत्पत्ति 17:7

“क्हि नेरो क्हिए सन्तानए परमेश्‍वर तबर, धै क्हिए लिउँइँ खबै सन्तानमैंने ङए बाछा खोंयोंइ बिलै तरिबै ल्हागिर फैब्मुँ।

चेला चिब्मैंए केमैं 2:39

परमेश्‍वरजी ‘पबित्र प्ल्ह पिंब्मुँ’ बिसि फैबै बाछा क्हेमैंए ल्हागिरि, क्हेमैंए सन्तानए ल्हागिरि, नेरो अरू ह्रें-ह्रेंगो मुँबै अरू ह्रेंर्बै म्हिमैंए ल्हागिरि ग। ङ्योए प्रभु परमेश्‍वरजी हुइब्मैं ताँनए ल्हागिर च बाछा फैइमुँ।”

चेला चिब्मैंए केमैं 3:25

अगमबक्‍तामैं नेरो परमेश्‍वरजी क्हेमैंए खेमैंने फैबै बाछा क्हेमैंए ल्हागिर्न ग। खीजी अब्राहामने बिइ, ‘क्हिए सन्तानउँइँलेन् ह्‍युलर्बै ताँन् ह्रेंमैंइ आशिक योंब्मुँ।’

दर्शन 7:4

कति म्हिलाइ छाप झोंइ बिस्‍याँ लाख घ्रि से प्लिच्यु से प्लि हजार (१,४४,०००) म्हिमैंए ङ्‌होर छाप झोंइ बिब ङइ थेइ। चमैं इस्राएली ह्रेंर्बै च्युसे ङ्हिं कुलर्बै म्हिमैं मुँल।

दर्शन 7:9

च लिउँइँ खाबज्‍यै च्योसे च्‍योल् आखाँबै म्‍हिए हुल ङइ म्रोंइ। चमैं ताँन् ह्रें-ह्रेंर्बै, ताँन् कुलर्बै, ताँन् ह्‍युलर्बै नेरो ताँन् ह्रों-ह्रोंसए क्युइ पोंब्‍मैं मुँल। चमैं फोस्रे ब्योंबै क्‍वें खिसि छोरए धुँए हाँगमैं योर छेसि राजगद्दि नेरो क्‍यु च्हजए उँइँर रारिल।