भजनमैं 115:12 - परमेश्‍वरए ताँ तमु क्युइर

¹² याहवेहजी ङ्योलाइ मैंरिइमुँ; धै ङ्योए फिर आशिक पिंब्मुँ; इस्राएलए सन्तानलाइ खीजी आशिक पिंब्मुँ; हारूनए सन्तानलाइ खीजी आशिक पिंब्मुँ;

भजनमैं 115:12 ပူးပေါင်းရင်းမြစ်များ

उत्पत्ति 8:1

दिलेया परमेश्‍वरजी नोआ नेरो चने बालु क्यु झाजर मुँबै ताँन् धिंर न्हबै खेदोमैं नेरो क्ह्‍योंर्बै खेदोमैं मैंसि पृथ्‍बीर खैं कुल्मिंइ। धै क्यु ङ्हारबर होंइ।

भजनमैं 135:19

ओ इस्राएलए सन्तानमैं, याहवेहए मिं थेब् लद्! ओ हारूनए सन्तानमैं, याहवेहए मिं थेब् लद्!

भजनमैं 136:23

ङि हार्दियामैं या खीजी ङिलाइ आम्‍ले। खीए म्हाँया खोंयोंन् बिलै तरिम्।

भजनमैं 25:7

ओ याहवेह, ङए फ्रेंसिर्बै पापमैं नेरो ङइ लबै आछ्याँबै केमैं आमैंमिंन्; क्हि खोंयोंन् बिलै म्हाँया लबै परमेश्‍वर ग, छतसि ङलाइ आम्‍लेमिंन्, तलेबिस्याँ क्हिए सैं छ्याँब मुँ।

भजनमैं 67:7

पृथ्‍बीर्बै ताँन् साँदर टिबै ह्रेंमैंइ परमेश्‍वर ङ्हिंरिगे बिसि खीजी ङ्योए फिर आशिक पिंरिगे।

चेला चिब्मैंए केमैं 10:4

छबिमा कर्नेलियस ङ्हिंसि स्वर्गदूत ङाँइ ङ्ह्‍योबै-ङ्ह्‍योबन् लसि, “बिल् त्हुबै ताँ तोइ मुँ वा?” बिइ। स्‍वर्गदूतइ चने बिइ, “क्हिइ ङ्हाँदुमैंए खाँचो टार्दिमिंबै छ्याँबै केमैं नेरो क्हिइ लबै प्राथना परमेश्‍वरए उँइँर फेनेइमुँ।

चेला चिब्मैंए केमैं 3:26

क्हेमैंलाइ ह्रोंसए आछ्याँबै केमैंउँइँले एपखसि आशिक पिंबै ल्हागिर परमेश्‍वरजी ह्रोंसए सेवा लबै म्हि त्हाँसि ताँन् भन्दा ओंसों क्हेमैं इस्राएलीमैं ङाँर कुल्मिंइ।”

गलाती 3:14

परमेश्‍वरजी अब्राहामने पिंबै आशिक येशू ख्रीष्‍टउँइँले अरू ह्रेंमैंज्यै या योंरिगे धै खीजी बाछा फैसि पिंम् बिबै पबित्र प्ल्ह ङ्योए बिश्‍वासउँइँले ङ्योइ योंरिगे बिसि ख्रीष्‍टजी सै फोसि ङ्योलाइ खामिंइ।

गलाती 3:29

छले क्‍हेमैं ख्रीष्‍टने घ्रिन् तबइले क्‍हेमैं अब्राहामए सन्‍तान ग। छतसि परमेश्‍वरजी अब्राहामने बाछा फैसि पिंम् बिबै आशिकए हकवालामैं क्‍हेमैंन् ग।

एफिसी 1:3

ङ्योए प्रभु येशू ख्रीष्‍टए परमेश्‍वर नेरो आबाए मिं थेब् तरिगे! खीजी ङ्योलाइ ख्रीष्‍टने घ्रिन् लमिंसि पबित्र प्ल्हउँइँले योंबै स्वर्गर्बै ताँन् आशिकमैं पिंइमुँ।