भजनमैं 115:1 - परमेश्‍वरए ताँ तमु क्युइर

¹ ओ याहवेह, क्हि खोंयोंइ आनुबै म्हाँया लब नेरो भर लल् खाँबै परमेश्‍वर ग! छतसि ङिलाइ आङिं, दिलेया क्हिलाइन मान तरिगे।

भजनमैं 115:1 ပူးပေါင်းရင်းမြစ်များ

भजनमैं 138:2

क्हिजी ह्रोंसए मिं नेरो क्हिए बाछामैं तोन्दोंरि सैमैंए फिर बेल्‍ले थेब लइमुँ। छतसि क्हिए पबित्र क्ल्ह्‍योउँइँ ङ तोसि क्हिलाइन फ्योब्मुँ, धै क्हि खोंयोंइ आनुबै म्हाँया लब नेरो ङइ भर लल् खाँबै परमेश्‍वर ग बिसि ङ क्हिए मिं थेब लब्मुँ।

भजनमैं 61:7

च परमेश्‍वरए ओंसों खोंयोंन् बिलै राजगद्दिर टिरिगे; क्हिजी खोंयोंइ आनुबै म्हाँया लबइले नेरो च क्हिए फिर भर लल् खाँबइले चए रक्षा लमिंन्!

भजनमैं 74:22

ओ परमेश्‍वर, रेत्ति, क्हिजी लबै केमैं आगुइ न्होह्रों लल् आपिंन्; आमादुमैंइ त्हिंतिमिन् क्हिलाइन प्ह्ररिमुँ, छतसि मैंन्!

भजनमैं 96:8

खीए मिंलाइ ङ्‍हेंबै मान याहवेहलाइ पिंन्; भेटि किंसि खीए ह्‍युमैंर खो!

यूहन्‍ना 1:17

स्‍योंम्‍बै मोशालाइ परमेश्‍वरजी खीए ठिम पिंइ, दिलेया येशू ख्रीष्‍टउँइँले क्‍ह्रोंसेंन्‍बै ताँ नेरो बेल्‍ले थेबै दयाम्हाँया ङ्योइ योंइ।

एफिसी 1:6

ङ्योइ च्हौ थेबै दयाम्हाँया योंबइले परमेश्‍वरएलाइ धन्यबाद पिंसि खीए मिं बेल्‍ले थेब् लले। खीजी ङ्योलाइ खीए खोबै च्‍हने घ्रिन् लमिंसि आशिकमैं छलेन् पिंइमुँ।