भजनमैं 112:8 - परमेश्‍वरए ताँ तमु क्युइर

⁸ चए सैं भोंब मुँ, छतसि च आङ्हिं, लिउँइँ शत्तुरमैं हार्दियाब चइ म्रोंब्मुँ।

भजनमैं 112:8 ပူးပေါင်းရင်းမြစ်များ

भजनमैं 118:6

याहवेह ङने बालुन् मुँ, छतसि ङ तो सैने या ङ्हिंरिब् आरे, म्हिमैंइ ङलाइ तोइ लल् आखाँ।

भजनमैं 118:7

याहवेह ङने बालुन् मुँ, खीजी ङ ल्होमिंमुँ। छतसि शत्तुरमैंलाइ ङइ ट्होवाब म्रोंब्मुँ।

भजनमैं 27:14

याहवेहए घ्याँ ङ्‍ह्‍योरिद्; सैं च्योंब आलद्, खीजी क्हिए सैं भोंब् लमिंब्मुँ; छतसि ङ बिमुँ! याहवेहए घ्याँ ङ्‍ह्‍योरिद्।

भजनमैं 31:24

ओ याहवेहए फिर आशा थेंब्मैं, भोंसि तद्, क्हेमैंए सैं भोंब् लद्!

भजनमैं 37:34

याहवेहए घ्यार्न प्ररिद्, खीलाइन पैंरिद्। धै खीजी क्हेमैंलाइ चु ह्‍युलर्बै क्ल्हे तल् पिंब्मुँ; धै दुष्‍टमैं नास तब क्हिए मिइन म्रोंब्मुँ।

भजनमैं 49:6

प्लबै म्हिमैंइ खेंमैंए सै न्होरए फिर थेब् प्हैंसि ङलाइ म्हि आच्हिन् ललेया ङ ङ्हिंरिब् आरे।

भजनमैं 59:10

परमेश्‍वरए खोंयोंइ आनुबै म्हाँया ङए फिर थेब मुँ। खी ङए ओं-ओंसों ह्‍याब्मुँ, धै ङए बिरोधर राब्मैंलाइ ङइन ट्होल् पिंब्मुँ।

भजनमैं 91:8

क्हिइ ह्रोंसए मिइ मत्‍त्रे च म्रोंब्मुँ धै दुष्‍टमैंइ योंबै सजैं म्रोंब्मुँ।

भजनमैं 92:11

ङए शत्तुरमैं हार्दिब ङए मिइ म्रोंइमुँ; ङए शत्तुरमैं ल्हावाबै ताँ ङए न्हइ थेइमुँ।

हितोपदेश 3:33

दुष्‍टमैंए धिंर याहवेहजी सराप पिंम्, ठिक के लब्मैंए धिंर बिस्याँ खीजी आशिक पिंम्।

हिब्रू 13:9

क्‍हेमैं तब आतबै ताँमैं लोमिंबै म्हिमैंए लिलि आप्रद्। चु चल् तमु, चु चल् आत िबबै ताँ म्हिमैंइ बिबै ताँ मत्‍त्रे ग, बरु परमेश्‍वरए दयाम्हाँयाउँइँले ङ्योइ सैं भोंब् लबै ताँ छ्याँबै मुँ। चु चल् तमु, चु चल् आत िबबै ताँ ङिंब्मैंइ मुक्‍ति आयों, चमैंला बिब् धोंइ तोइ आतइमुँ।