भजनमैं 112:2 - परमेश्‍वरए ताँ तमु क्युइर

² चए सन्तान ह्‍युलर बेल्‍ले भोंब तब्मुँ; ठिक के लबै म्हिए सन्तानइ आशिक योंब्मुँ।

भजनमैं 112:2 ပူးပေါင်းရင်းမြစ်များ

उत्पत्ति 17:7

“क्हि नेरो क्हिए सन्तानए परमेश्‍वर तबर, धै क्हिए लिउँइँ खबै सन्तानमैंने ङए बाछा खोंयोंइ बिलै तरिबै ल्हागिर फैब्मुँ।

उत्पत्ति 25:11

अब्राहाम सिबै लिउँइँ चए च्ह इसहाकए फिर परमेश्‍वरजी आशिक पिंइ। च त्हेर इसहाक बेअर-लहै-रोइ ङाँर टिमल।

भजनमैं 102:28

ङिए च्ह-च्हमिमैं क्हिए रक्षा योंसि टिब्मुँ; धै चमैंए प्हसेमैं या तोइ आतल्‍ले क्हिए उँइँर टिरिब्मुँ।

भजनमैं 25:13

चइ सुखर त्हिंइमैं थोब्मुँ, धै चए सन्तानमैं ह्‍युलए फिर क्ल्हे तब्मुँ।

भजनमैं 37:26

चइ खाँचो तब्मैंलाइ यो प्ल्हसि पिंमुँ, धै चए प्हसेमैंइ आशिक योंब्मुँ।

हितोपदेश 11:21

दुष्‍ट म्हिमैं दण्ड आयोंन् समा स्योरल् योंरिब् आरे, दिलेया ठिक के लब्मैं जोगेल् योंब्मुँ बिबै ताँ क्ह्रोंसेंन ग।

हितोपदेश 13:22

छ्याँबै म्हिइ ह्रोंसए क्वें-क्वेंमिमैंए ल्हागिर सै न्होर पिंथेंम्, दिलेया पापिमैंए सै न्होर ठिक के लब्मैंए योर फेनेम्।

हितोपदेश 20:7

ठिक के लबै म्हि छेनाले छ्ह थोम्, धै चए च्ह-च्हमिमैंइ आशिक योंम्।

चेला चिब्मैंए केमैं 2:39

परमेश्‍वरजी ‘पबित्र प्ल्ह पिंब्मुँ’ बिसि फैबै बाछा क्हेमैंए ल्हागिरि, क्हेमैंए सन्तानए ल्हागिरि, नेरो अरू ह्रें-ह्रेंगो मुँबै अरू ह्रेंर्बै म्हिमैंए ल्हागिरि ग। ङ्योए प्रभु परमेश्‍वरजी हुइब्मैं ताँनए ल्हागिर च बाछा फैइमुँ।”