भजनमैं 110:2 - परमेश्‍वरए ताँ तमु क्युइर

² “क्हिजी भोंन्ले ग्याल्स लब सियोनउँइँले ल्हें क्ल्ह्‍योर फेनेरिगे,” बिसि याहवेहजी क्हिलाइ हग पिंब्मुँ। “क्हिए शत्तुरमैंए फिर क्ल्हे लद्!

भजनमैं 110:2 ပူးပေါင်းရင်းမြစ်များ

भजनमैं 72:8

मा ङ्युँइ घ्रिउँइँले अर्को मा ङ्युँइ समा, धै यूफ्रेटिस बिबै स्योंउँइँले पृथ्बीए साँद् समा चइ ग्याल्स लब्मुँ!

प्रस्थान 7:19

धबै याहवेहजी मोशाने बिइ, “‘मिश्ररर्बै स्यों, क्युखादुँ, ङ्‍ह्‍योखो, नेरो कुलोर्बै क्यु को तयारिगे बिसि क्हिए प्हरे किंसि च ताँनए फिर क्हिए यो स्योंन्,’ बिसि हारूनने बिद्। ‘छलस्याँ ताँन् मिश्रर मुँबै क्यु, सिं नेरो युँमाइ बनेबै छेदो न्होंर्बै क्युमैं या, को तयाब्मुँ।’”

प्रस्थान 8:5

झाइले याहवेहजी मोशाने बिइ, “‘मिश्र तिगोंन् प्हद्गोमैं खरिगे बिसि हारूनइ प्हरे किंसि स्योंमैं, कुलोमैं नेरो ङ्‍ह्‍योमैं फिर यो स्योंन्,’ बिसि हारूनने बिद्।”

रोमी 1:16

तलेबिस्याँ ख्रीष्‍टउँइँले योंबै सैं तोंबै ताँ म्हिमैंने बिबै ल्हागिर ङ फा आपि। यहूदीमैं मुँलेया अरू ह्रेंमैंन् मुँलेया चु सैं तोंबै ताँउँइँलेन् खीए फिर बिश्‍वास लब्‍मैंलाइ परमेश्‍वरजी मुक्‍ति पिंम्।

१ थेसलोनिकी 2:13

धै ङिइ क्‍हेमैंने परमेश्‍वरए ताँ बिमिंमा क्‍हेमैंइ “चु क्‍ह्रोंसेंन परमेश्‍वरए ताँ मुँन” बिसि छेनाले थेसि सैं तोंन्‍ले क्‍वेंइ। चु ताँ म्‍हिइ बिबै ताँ आङिं, परमेश्‍वरजी बिबै ताँ क्‍हेमैंइ म्हाँदिइ। धै क्हेमैंए सैंरि परमेश्‍वरजी के लइनमुँ। छतसि ङिइ खोंयोंइ बिलै परमेश्‍वरलाइ धन्‍यबाद पिंरिम्।

१ पत्रुस 1:12

चमैंने उँइँमिंबै ताँ चमैंए ल्हागिर आङिं, चमैंइ क्‍हेमैंए सेवा लरिल बिसि परमेश्‍वरजी सेल् पिंइ। धै चु ताँ स्वर्गउँइँले कुल्मिंबै पबित्र प्ल्हउँइँले क्हेमैंने सैं तोंबै ताँ बिमिंबै म्हिमैंउँइँले क्हेमैंइ थेइमुँ। स्‍वर्गदूतमैंज्यै या चु ताँ था सेदा ङ्हाँइमुँ।