1 “ङइ क्हिए शत्तुरमैं क्हिए प्हले न्होंर आप्लेन् समा क्हि ङए क्योलोउँइँ टिद्,” बिसि याहवेहजी ङए प्रभुने बिइमुँ।
ङए फिर छ्याब् ल्हैदिब्मैं नेरो ङए बिरोधर आछ्याँबै ताँ पोंब्मैंलाइ याहवेहजी छाबन् इनाम पिंरिगे!
ओ याहवेह, ङिए क्ल्हे, ह्युल तिगोंन् क्हिए मिं बेल्ले थेब मुँ! क्हिए मिंर क्वे प्रिंब मु भन्दा क्होवाइ थेनेम्।
क्हिजी खीलाइ क्हिए योइ बनेबै सैमैं फिर्बै क्ल्हे तल् पिंइ; धै क्हिजी तोन्दोंरि सै खीए प्हले न्होंर थेंमिंइ।
येशूजी चने बिइ, “ङ चन् ग बिसि क्हिइन बिइमुँ दि। ङ क्हेमैंने बिमुँ, तारे म्हिए च्ह ताँनइ म्हाँदिल् त्हुबै परमेश्वरए क्योलोउँइँ क्हुँरिब नरो मुर्बै न्हाँम्स्योर युरिब क्हेमैंइ म्रोंब्मुँ।”
येशू छले चेलामैंने पोंल् खाँबै लिउँइँ परमेश्वरजी खीलाइ स्वर्गउँइँ बोयाइ, धै परमेश्वरए क्योलोउँइँ टिइ।
च लिउँइँ येशू दे क्याइ दने ह्यासि च्हि तुँसि छले प्राथना लइ।
तलेबिस्याँ परमेश्वरजी खीए शत्तुरमैं ताँन् ट्होवासि ख्रीष्टए प्हले न्होंर आथेंन् समा ख्रीष्टजी ग्याल्स ललन् त्हुम्।
क्हेमैं ख्रीष्टने बालुन् सोगों तसि रेइमुँ! छतसि स्वर्गर्बै सैमैं म्हैद्। स्वर्गर परमेश्वरए क्योलोउँइँ ख्रीष्ट येशू टिइमुँ।
परमेश्वरजी खीए च्हने बिइ, “क्हिए शत्तुरमैं ङइ क्हिए प्हले न्होंर आथेंन् समा, क्हि ङए क्योलोउँइँ टिद्।” दिलेया स्वर्गदूतमैं खाबने या खीजी छ आबि।
परमेश्वरए ह्वे खीए च्हनेन् चारमुँ, परमेश्वर खैब मुँ खी या छाबन् मुँ। धै मु नेरो पृथ्बी खीए शक्ति मुँबै बचनइ धाँदिइमुँ। म्हिमैंए पाप त्होमिंबै के लल् खाँसि खी ताँन् भन्दा थेबै शक्ति मुँबै परमेश्वरए क्योलोउँइँ नुबै क्ल्ह्योर टिइमुँ।
ङ्योए बिश्वास सुरु लब नेरो बिश्वास पूरा लमिंबै येशूलाइ मत्त्रे ङ्ह्योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्वरए राजगद्दिए क्योलोउँइँ क्हुँइमुँ।
ङिइ बिल् म्हैबै थेबै ताँ चुन् ग: ङ्योला छाबै ख्रो पिंबै खेगि क्रथे मुँ, खी स्वर्गर ताँन् भन्दा थेबै परमेश्वरए क्योलोउँइँ (कयोउँइँ) गद्दिर क्हुँइमुँ।
येशू स्वर्गर ह्यासि स्वर्गदूतमैं, अधिकारमैं नेरो ताँन् शक्ति मुँबै सैमैं खीए न्होंर थेंसि परमेश्वरए क्योलोउँइँ टिइमुँ।