भजनमैं 11:7 - परमेश्‍वरए ताँ तमु क्युइर

⁷ तलेबिस्याँ याहवेहजी ठिक निसाफ लम्, ठिक केमैं खीजी खोम्; सोजो म्हिमैंइ खीए लि म्रोंब्मुँ।

भजनमैं 11:7 ပူးပေါင်းရင်းမြစ်များ

भजनमैं 146:8

याहवेहजी मि आम्रोंब्मैंए मि थोंमिंम्। ल्हिबै ति नोसि ओलै आखाँब्मैंलाइ याहवेहजी रेमिंम्, याहवेहजी ठिक के लब्मैं म्हाँया लम्।

भजनमैं 17:15

ङ ठिक के लसि क्हिए लि ङ्‍ह्‍योब्मुँ, धै छोरमा ङ क्हिलाइ म्रोंसि सैं तोंब्मुँ।

भजनमैं 21:6

क्ह्रोंसेंन्ले क्हिजी चलाइ खोंयोंइ आखाँबै आशिक पिंइमुँ, धै क्हि चने तमिंबइले चए सैं खोंयोंन् बिलै तोंरिम्।

भजनमैं 33:18

दिलेया याहवेहजी खीने ङ्हिंब्मैंए छैं लम्; तलेबिस्याँ चमैंइ खीए खोंयोंइ आनुबै म्हाँयाए फिर आशा थेंइमुँ।

भजनमैं 33:5

याहवेहजी खाबलाज्यै या आफेल्‍ले ठिक निसाफ लब खोम्; खीजी लबै छ्याँबै केमैं ह्‍युल तिगोंन् मुँ।

भजनमैं 34:15

याहवेहजी ठिक के लब्मैंए फिर मि छरिमुँ धै चमैंए ताँ थेम्।

भजनमैं 37:28

तलेबिस्याँ ठिक निसाफ लबै म्हिमैंलाइ याहवेहजी खोम्; खीए म्हिमैं खीजी पिरिब् आरे। चमैंलाइ खोंयोंन् बिलै खीजी जोगेसि थेंमुँ, दिलेया दुष्‍ट म्हिमैंए सन्तान बिस्याँ नास लवाब्मुँ।

भजनमैं 42:5

ओ ङए सो, क्हि तले आतोंल? धै ङए खों न्होंर क्हि तले च्हतर्लै आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

भजनमैं 45:7

ठिक केमैं लब क्हिजी खोमुँ, आछ्याँबै केमैं बिस्याँ क्हिजी आखो। छतसि परमेश्‍वर, क्हिए परमेश्‍वरजी क्हिए थुमैंलाइ भन्दा क्हिलाइ ल्हें आशिक पिंसि क्हिए सैं तोंन् लमिंइमुँ;

भजनमैं 45:8

क्हिए ताँन् क्वेंमैंर मूर्र, एलवा नेरो लेबोए लिंब थाँ खम्। हात्तिए समैंइ सजेबै दरबारउँइँले त्होंबै गिटार-सारङ्गींमैंए छ्याँब कैइ क्हिए सैं तोंन् लम्;

भजनमैं 5:12

तलेबिस्याँ ओ याहवेह, ठिक के लब्मैंलाइ क्हिजी आशिक पिंम्, ढालइ धोंले क्हिए म्हाँयाजी चमैं जोगेमिंब्मुँ।

भजनमैं 7:11

परमेश्‍वरजी ठिक निसाफ लम्, धै खीजी त्हिंइ ह्रोंसे दुष्‍टमैंए फिर ह्रोंसए ह्रिस उँइँम्।

भजनमैं 7:9

ओ ठिक निसाफ लबै परमेश्‍वर, सैं नेरो खों खैतब मुँ बिसि क्हिजी ङ्‍ह्‍योम्। दुष्‍ट म्हिमैंइ लबै आछ्याँबै केमैं सदसुदुले म्हवाद्, दिलेया ठिक के लब्मैं भोंब लमिंन्।

भजनमैं 99:4

म्रुँ बेल्‍ले भोंब मुँ, ठिक निसाफ खीजी खोम्। क्हिजी खाबै आफेलल्‍ले निसाफ लमुँ; याकूबए सन्तानमैंए फिर क्हिजी ठिक निसाफ नेरो ठिक के लइमुँ।

हितोपदेश 15:9

दुष्‍ट म्हिमैंइ लबै के याहवेहजी आखो, दिलेया छ्याँबै के लब्मैंलाइ खीजी म्हाँया लम्।

१ पत्रुस 3:12

तलेबिस्याँ ठिक के लब्‍मैंलाइ परमेश्‍वरजी छेनाले छैं लरिमुँ, धै न्ह क्रोंले खीजी चमैंए प्राथना थेमुँ, दिलेया आछ्याँबै के लब्‍मैंलाइ खीजी बिरोधर लम्।”

१ यूहन्‍ना 3:2

ङइ खोबै थुमैं, ङ्यो तोगो परमेश्‍वरए प्‍हसेमैं ग। प्‍हँना लिउँइँ ङ्यो खै तम् बिसि तोगो बिल् आखाँ, दिलेया ङ्योइ चु ताँ घ्रि सेइमुँ: ख्रीष्‍ट युबै त्हिंइर खी खैब मुँ छाबन् खीलाइ ङ्योइ छेनाले म्रोंब्‍मुँ। छतसि च त्हेर ङ्यो या खी धोंन् तब्‍मुँ।

दर्शन 22:4

चमैंइ परमेश्‍वरए लि म्रोंब्‍मुँ, धै चमैंए ङ्‌होर खीए मिं तब्‍मुँ।