भजनमैं 11:6 - परमेश्‍वरए ताँ तमु क्युइर

⁶ आछ्याँबै के लब्मैंए फिर खीजी मि नेरो बारुद प्रामिंब्मुँ, धै ट्हुबिन् लास्युवाबै लल खैंइ चमैं ख्रोंवाब्मुँ।

भजनमैं 11:6 ပူးပေါင်းရင်းမြစ်များ

उत्पत्ति 19:24

झाइले याहवेहजी सदोम नेरो गमोराए फिर मुउँइँले मि नेरो बारुद कुल्मिंइ।

उत्पत्ति 43:34

चमैंए भाउ योसेफए टेबलउँइँले ट्हुइसि बोल। दिलेया बेन्यामीनए भाउ चमैं ताँनल् भन्दा ङ्‍हबाँ ल्हें मुँल। छले चमैंइ योसेफने बालु चब् थुँब् लसि सैं तोंइ।

भजनमैं 105:32

खीजी नाँलाइ तिस्यु लमिंइ, धै चमैंए ह्‍युल तिगोंन् काम्‍लि-तिम्‍लि रामिंइ।

भजनमैं 16:5

ओ याहवेह, ङइ योंल् त्हुबै सैमैं पिंब क्हिन् ग ङलाइ चैदिबै ताँन् सै क्हिजी पिंम्, ङए छ्ह या क्हिए योर्न मुँ।

भजनमैं 18:13

याहवेहजी स्वर्गउँइँले थेबै कै तेमा, ताँन् भन्दा थेबै परमेश्‍वरए कै खन्तोंदोंन् कोयाइ। छतमा तिस्यु नेरो मिए राब तेयुइ।

भजनमैं 32:10

दुष्‍ट म्हिमैंइ ल्हें दुःख योंल् त्हुब्मुँ, दिलेया याहवेहए फिर भर लब्मैंलाइ बिस्याँ खीजी खोंयोंइ आनुबै म्हाँया लसि रक्षा लमुँ।

भजनमैं 75:8

याहवेहए योर प्हेल घ्रि मुँ, खीए ह्रिसइ च प्हेलर प्लिंइमुँ। पृथ्बीर्बै दुष्‍टमैं ताँनइ दण्ड योंम्, प्हेलर मुँबै सै तोइ आचैल्‍ले चमैं थुँल् खाँल् त्हुम्।

लूका 17:29

दिलेया लोतइ सदोम सहर पिबै त्हिंइर्न परमेश्‍वरजी मुउँइँले मि नेरो बारुद भ्‍योंमिंसि चर्बै म्हिमैं ताँन् सैवाइ।

यूहन्‍ना 18:11

येशूजी पत्रुसने बिइ, “क्‍हिए सेलाँ स्युर झोंन्। आबाजी ङलाइ पिंबै दुःखए प्हेला ङइ आथुँले वा?”