भजनमैं 108:1 - परमेश्‍वरए ताँ तमु क्युइर

¹ ओ परमेश्‍वर, ङए सैंइ क्हिए फिर्न भर थेंइमुँ; छतसि सैं न्होंउँइँले ङ बाजा ह्रादै क्वे प्रिंब्मुँ।

भजनमैं 108:1 ပူးပေါင်းရင်းမြစ်များ

भजनमैं 104:33

ङए छ्ह तिगोंन् याहवेहए मिंर ङ क्वे प्रिंरिब्मुँ; ङ सोन् समा ङए परमेश्‍वरए क्वे प्रिंब्मुँ।

भजनमैं 138:1

ओ याहवेह, ङए सैं न्होंउँइँले क्हिलाइ धन्याबाद पिंम्, देवतामैंए ओंसों ङ क्हिलाइन थेब लम्।

भजनमैं 145:21

ङए सुँइ याहवेहए मिं थेब् लसि पोंब्मुँ। सो प्ह्‍याबै तोन्दोंरि सैमैंइ खोंयोंन् बिलै खीए पबित्र मिं थेब् लरिगे।

भजनमैं 16:9

छतसि ङए सैं तोंइमुँ, ङए ज्यु या ढुक्‍क मुँ,

भजनमैं 30:12

छतसि ङ तोइ आबिल्‍ले टिरिब् आरे, ङ क्हिलाइन थेब् लबै क्वेमैं प्रिंमुँ। ओ ङए याहवेह पारमेश्‍वर, ङ खोंयोंन् बिलै क्हिलाइन धन्यबाद पिंरिब्मुँ।

भजनमैं 34:1

खोंयोंन् बिलेया ङ याहवेहए मिं क्वेरिब्मुँ; ङए सुँर खोंयोंन् बिलै खीलाइन थेब् लबै ताँमैं तरिब्मुँ।

भजनमैं 68:1

परमेश्‍वर रेब्मुँ, खीए शत्तुरमैं सग्याँ प्हुँग्याँ लवाब्मुँ, धै खीलाइ आखोब्मैं खीउँइँले न्हेयाब्मुँ!

भजनमैं 71:15

क्हिजी लबै ठिक केमैं नेरो क्हिजी ङ जोगेमिंबै बारेर त्हिंइतिमि ङए सुँइ पोंब्मुँ। दिलेया च केमैं कति मुँ बिब ङइ आसे।

भजनमैं 71:8

ङए सुँइ क्वे प्रिंसि क्हिए मिं थेब् लरिमुँ, धै त्हिंइतिमिन् ङइ क्हिए थेबै मिंए बारेर बिप्रम्।

प्रस्थान 15:1

झाइले मोशा नेरो इस्राएलीमैंइ याहवेहए ल्हागिर चु क्वे प्रिंइ: “ङ याहवेहए ल्हागिर क्वे प्रिंब्मुँ, तलेबिस्याँ खीजी थेबै लडें लसि ट्होइमुँ। खीजी घोडा नेरो चए फिर क्रेब्मैं मा ङ्युँइर (समुन्द्रर) भ्योंमिंइमुँ।