भजनमैं 106:5 - परमेश्‍वरए ताँ तमु क्युइर

⁵ क्हिजी ह्रोंसए म्हिमैंए फिर ल्हयो खमा ङलाज्यै या मैंमिंन्, धै चमैंलाइ खामिंमा ङलाज्यै या ल्होमिंन्।

भजनमैं 106:5 ပူးပေါင်းရင်းမြစ်များ

भजनमैं 1:3

च स्योंए रेर रुँइँबै सिंधुँ धोंन् तम्। चइ रो रोल् त्हुबै त्हेर रो पिंम्, धै चए प्हो खोंयोंइ आङ्योंलों। चइ तो के ललेया छ्याँब तम्।

भजनमैं 105:43

खीजी ह्रोंसइ त्हाँबै म्हिमैंलाइ सैं तोंन् लदै जयजय बिदै ओरदै पखइ।

भजनमैं 105:6

खीजी लबै औदिबै केमैं मैंन्, खीजी लबै औदिबै केमैं नेरो खीजी लबै निसाफ मैंन्।

भजनमैं 118:15

“याहवेहए क्योलो योजी शक्‍तिए के लइमुँ,” बिसि ठिक के लब्मैंइ तम्बुर सैं तोंबै कै नेरो ट्होब कै तेम्।

भजनमैं 14:7

इस्राएलीमैं जोगेमिंबै याहवेह सियोनउँइँले युरिगे बिसि ङ प्राथना लम्! याहवेहजी ह्रोंसए म्हिमैंलाइ धबै सुख पिंमा याकूबए सन्तानमैं निस्योब्मुँ धै इस्राएलीमैंया बेल्‍ले सैं तोंब्मुँ!

भजनमैं 48:11

सियोन कों सैं तोंम्! क्हिजी ठिक के लब् म्रोंसि यहूदा ह्‍युलर्बै म्हिमैं निस्योम्!

यूहन्‍ना 15:16

क्‍हेमैंइ ङलाइ त्‍हाँब आङिं, ङइ क्हेमैं त्हाँब् ग। क्हेमैं ह्‍यासि रामैं रोरिगे धै क्हेमैंए रामैं खोंयोंन् बिलै तरिगे बिसि ङइ क्हेमैं हुइ। छलमा क्हेमैंइ ङए मिंर आबाने तो सै ह्रिलेया खीजी क्हेमैंलाइ पिंब्मुँ।

यूहन्‍ना 16:22

छलेन तोगो क्हेमैंलाइ शोक तमुँ। दिलेया ङ धबै क्‍हेमैंने त्‍होयुमा क्‍हेमैंए सैं बेल्‍ले तोंब्‍मुँ। धै खाबज्यै क्हेमैंलाइ सैं आतोंल् लल् खाँरिब् आरे।

चेला चिब्मैंए केमैं 9:15

दिलेया प्रभुजी चने बिइ, “ह्‍याद्, तलेबिस्याँ अरू ह्रेंमैं, म्रुँमैं नेरो इस्राएलर्बै म्हिमैंए उँइँर ङए मिंए बारेर बिमिंबर ङइ त्हाँबै म्हि चन् ग।

एफिसी 1:18

क्‍हेमैंए सैं न्‍होंर्बै मि थोंसि परमेश्‍वरए चारबै ह्‍वे म्रोंरिगे बिसे या ङइ प्राथना लम्। तलेबिस्‍याँ च ह्‍वे म्रोंस्‍याँ क्‍हेमैंइ चु ताँ सों था सेब्‍मुँ: घ्रि, खीजी प्‍हना लिउँइँ क्‍हेमैंलाइ खैबै खालर्बै छार छ्ह पिंम् बिसि क्‍हेमैंइ था सेब्‍मुँ। ङ्हिं, खीए म्‍हिमैंलाइ पिंबै बेल्‍ले छ्याँबै आशिकमैं कति थेब मुँ बिसि क्‍हेमैंइ सेब्‍मुँ।

एफिसी 1:4

च आशिकमैं तो जा बिस्‍याँ, ङ्यो परमेश्‍वरए उँइँर छ्याँबै छ्ह थोल् खाँरिगे बिसि चु ह्‍युल बनेब् भन्दा ओंसोंन् ख्रीष्‍टने घ्रिन् लसि खीजी ङ्योलाइ त्‍हाँइ।

फिलिप्पी 3:3

ङ्योम् ज्युर चिनु लबै केर भर लब्मैं आङिं! ङ्योम् छ्याँबै सैंइ खों न्होंउँइँलेन् परमेश्‍वरलाइ म्हाँदिब्मैं ग, तलेबिस्याँ ङ्योइ परमेश्‍वरए पबित्र प्ल्हउँइँलेन् खीलाइ म्हाँदिइमुँ। धै ख्रीष्‍ट येशूजी लबै केर ङ्योइ प्हैंल् खाँम्।

२ थेसलोनिकी 2:13

प्रभुजी खोबै अलि-अङाँमैं, क्‍हेमैंए ल्हागिर ङिइ खोंयोंन् बिलै परमेश्‍वरलाइ धन्‍यबाद पिंल् त्हुम्, तलेबिस्याँ परमेश्‍वरए प्ल्हजी क्हेमैंलाइ पबित्र लमिंबै केउँइँले नेरो क्हेमैंइ क्ह्रोंसेंन्बै ताँ क्वेंबइले परमेश्‍वरजी क्‍हेमैंलाइ जोगेबर त्हाँइ।

याकूब 2:5

ओ ङए खोबै अलि-अङाँमैं, ङए ताँ थेद्, परमेश्‍वरजी चु ह्‍युलर्बै ङ्हाँदुमैंलाइ खीए फिर्बै बिश्‍वासर भोंब् लमिंसि स्वर्ग ग्याल्सर्बै हगवालमैं तबर त्हाँब, आङिं वा? खीलाइ म्हाँया लब्‍मैंने चु ग्याल्स पिंम् बिसि खीजी बाछा फैब, आङिं वा?

१ पत्रुस 2:9

दिलेया क्‍हेमैं छ आत, तलेबिस्याँ क्‍हेमैं परमेश्‍वरजी त्‍हाँबै कुल ग, परमेश्‍वर म्रुँए ख्रो पिंबै खेगिमैं, पबित्र ह्रें नेरो परमेश्‍वरए म्हिमैं ग। तलेबिस्याँ क्‍हेमैंइ “परमेश्‍वरए शक्‍ति ताँन् भन्दा थेब मुँ” बिसि उँइँमिंरिगे बिसि खीजी क्‍हेमैंलाइ मिछु खैबउँइँले तेसि खीए थेबै ह्‍वेर पखइ।

दर्शन 17:14

चमैंइ क्‍यु च्हजए बिरोधर ल्हडें लब्‍मुँ। दिलेया क्‍यु च्हज नेरो खीजी हुइसि त्‍हाँबै बिश्‍वास लबै म्‍हिमैंइ चमैंलाइ ट्होवाब्‍मुँ, तलेबिस्याँ खी प्रभुमैंए फिर्बै प्रभु नेरो म्रुँमैंए फिर्बै म्रुँ ग।”