भजनमैं 106:3 - परमेश्‍वरए ताँ तमु क्युइर

³ ठिक निसाफ लब्मैंइ आशिक योंब्मुँ, धै चमैंइ खोंयोंन् बिलै ठिक के लसि सैं तोंरिब्मुँ।

भजनमैं 106:3 ပူးပေါင်းရင်းမြစ်များ

भजनमैं 119:106

क्हिए ठिक निसाफमैंइ बिब् धोंबै के लब्मुँ बिसि ङइ कसम चइमुँ।

भजनमैं 119:112

ङ आसिन् समा क्हिए निसाफमैं म्हाँदिब्मुँ बिसि ङइ सैं लइमुँ।

भजनमैं 119:20

क्हिए ठिममैं क्होबर ङए खों खोंयोंन् बिलै क्यु पिब् धोंन् तम्।

भजनमैं 119:44

क्हिए ठिमर्बै ताँमैं ङइ खोंयोंन् बिलै म्हाँदिब्मुँ।

भजनमैं 15:2

क्हिजी प्रद् बिबै घ्याँर प्रब, धै ठिक केमैं लब, खों न्होउँइँलेन् क्ह्रोंसेंन्बै ताँ पोंब,

भजनमैं 25:7

ओ याहवेह, ङए फ्रेंसिर्बै पापमैं नेरो ङइ लबै आछ्याँबै केमैं आमैंमिंन्; क्हि खोंयोंन् बिलै म्हाँया लबै परमेश्‍वर ग, छतसि ङलाइ आम्‍लेमिंन्, तलेबिस्याँ क्हिए सैं छ्याँब मुँ।

मर्कूस 3:35

तलेबिस्याँ परमेश्‍वरजी बिब् धोंले लब्मैंन् ङए अलि, अङाँ, नेरो आमा ग।”

लूका 11:28

दिलेया येशूजी च च्हमिरिने बिइ, “ओ नानि, ङए ताँ थेद्! परमेश्‍वरए ताँ थेसि खीजी बिब् म्हाँदिबै म्‍हिइ झन् आशिक योंब्मुँ।”

लूका 11:42

“धिक्‍कार मुँ फरिसीमैं क्हेमैं सैं क्रोल् त्‍हुम्! क्‍हेमैंइ जिरा-मरिज पतिना छाबै च्‍युगुथिर सैमैंलै या च्‍योसि च्‍युबाँर्बै तिबाँ परमेश्‍वरए मिंर पिंमुँ, दिलेया क्‍हेमैंइ अरूए फिर ठिक निसाफ आल, धै परमेश्‍वरलाइ सैं न्होंउँइँले म्‍हाँया आल। च्‍युबाँर तिबाँ पिंब छ्याँब ग, दिलेया अरू केमैं या क्हेमैंइ छेनाले लल् त्‍हुमल।

यूहन्‍ना 13:17

क्‍हेमैंइ चु ताँ क्होसि छलेन् लइ बिस्याँ क्हेमैं ङ्‌हो सब्मैं तब्मुँ।

यूहन्‍ना 15:14

ङइ बिबै ताँमैं क्हेमैंइ लइ बिस्याँ क्हेमैं ङए खोबै थुमैं तब्मुँ।

चेला चिब्मैंए केमैं 24:16

छतसि परमेश्‍वर नेरो म्हिमैंए उँइँर खोंयोंन् बिले ङए सैंइ लद् बिब् धोंले ठिक के मत्‍त्रे ङइ लबै भों लरिमुँ।

रोमी 2:7

तोन् तलेया छ्याँबै के लसि स्‍याबासि, इजेत नेरो खोंयोंइ आखाँबै छ्ह म्‍हैब्मैंलाइ परमेश्‍वरजी खोंयोंइ आखाँबै छ्ह पिंब्‍मुँ।

गलाती 6:9

छतसि ङ्योइ आनारल्‍ले अरूमैंलाइ ल्होले, तलेबिस्याँ ङ्यो आनारल्‍ले के लसिन् टिइबिस्‍याँ ठिक त्हेर ङ्योइ रोमैं योंब्‍मुँ।

याकूब 1:25

दिलेया परमेश्‍वरए ठिमर्बै ताँमैं छेनाले थेसि चर बिब् धोंलेन् प्रबै म्‍हिइ आशिक योंब्मुँ। तलेबिस्याँ ठिमइ छ्याँबै छ्ह खैले थोल् त्हुम् बिबै ताँमैं लोमिंम्, धै ठिमर्बै ताँमैं आम्‍लेबै म्हि ठिमइ बिब् धोंलेन् लरिम्।

दर्शन 22:14

खोंयोंइ आखाँबै छ्ह पिंबै सिंधुँउँइँले रोमैं चल् योंसि सहरर्बै म्रामैंउँइँले होंल् योंरिगे बिसि ह्रोंसए क्‍वें ख्रुब्‍मैं ङ्‍हो सब्मैं ग।

दर्शन 7:15

छतसि परमेश्‍वरए राजगद्दिए उँइँर रासि चमैंइ परमेश्‍वरए मन्‍दिरर त्‍हिंयाँ, म्‍हुँइँस खीए सेवा लरिम्। राजगद्दिर क्हुँबै परमेश्‍वर चमैंए म्हाँजोर खोंयोंन् बिलै तरिम् धै खीजी चमैंए रक्षा लमिंम्।