भजनमैं 106:11 - परमेश्‍वरए ताँ तमु क्युइर

¹¹ चमैंए शत्तुरमैंलाइ बिस्याँ मा ङ्युँइए क्युइ हुवाइ, चमैंए न्होंरि घ्रि या आसो।

भजनमैं 106:11 ပူးပေါင်းရင်းမြစ်များ

भजनमैं 78:53

चमैं आङ्हिंरिगे बिसि खीजी जोगेदै पखइ, दिलेया चमैंए शत्तुरमैं बिस्याँ मा ङ्युँइर प्ल्हुँयाइ।

प्रस्थान 14:13

मोशाइ इस्राएलीमैंने बिइ, “क्हेमैं आङ्हिंन्ले सैं भोंब लद्। ङ्ह्‍योद्! याहवेहजी तिंयाँ क्हेमैंलाइ मिश्रउँइँले फ्रेमिंब्मुँ। चु मिश्रीमैं क्हेमैंइ तिंयाँ म्रोंइमुँ, तारे क्हेमैंइ धबै चमैंलाइ खोंयोंन् बिलै म्रोंरिब् आरे।

प्रस्थान 15:10

दिलेया क्हिजी ह्रोंसए सो फुइमा मा ङ्युँइ (समुन्द्रइ) चमैं हुवाइ। बेल्‍ले भोंबै मा ङ्युँइर चमैं पैए सिसा धोंले प्ल्हुँयाइ।

प्रस्थान 15:19

इस्राएलीमैं मा ङ्युँइए म्हाँजोउँइँले क्यु आरेबै सर प्रसि ह्‍याइ, दिलेया फारोए घोडामैं, रथमैं नेरो घोडा फिर क्रेब्मैं मा ङ्युँइर (समुन्द्रर) होंमा याहवेहजी चमैं फिर मा ङ्युँइए क्यु एपखइ।

प्रस्थान 15:5

गैरु क्युइ चमैंलाइ हुवाइ। चमैं युँमा धोंले गैरुर प्ल्हुँयाइ।