भजनमैं 104:5 - परमेश्‍वरए ताँ तमु क्युइर

⁵ पृथ्बी खोंयोंन् बिलै भोंब तरिगे बिसि खीजी चलाइ जगए फिर थेंइ।

भजनमैं 104:5 ပူးပေါင်းရင်းမြစ်များ

भजनमैं 119:90

क्हिजी पोंबै ताँमैं पुस्ता-पुस्ता समान् तरिम्; पृथ्बी क्हिजीन् छेनाले बनेइ, छतसि च खोंयोंन् बिलै तरिम्।

भजनमैं 136:6

खीजी क्युए फिर पृथ्बी थेंइ। खीए म्हाँया खोंयोंन् बिलै तरिम्।

भजनमैं 24:2

तलेबिस्याँ खीजी पृथ्‍बी मा ङ्युँए फिर थेंइमुँ, धै पृथ्‍बीए जग गैरु क्युए फिर थेंइमुँ।

भजनमैं 33:9

तलेबिस्याँ खीजी बचन पोंसि तोन्दोंरि सैमैं लमिंइ; खीजी तयाद् बिमा ताँन् सै तयाइ।

भजनमैं 93:1

याहवेहजी ग्याल्स लमुँ! म्रुँइ खिब् धों तबै क्वें खीजी खिम्, फगि खिसि भों खब् धोंले याहवेह बेल्‍ले शक्‍ति मुँब मुँ। पृथ्बीए तें बेल्‍ले भोंब् मुँ, च खोंयोंइ छाइ-छुइ तरिब् आरे।

भजनमैं 96:10

“याहवेहजी ग्याल्स लम्! खीजीम् पृथ्‍बी भोंब् लसि थेंमिंइमुँ, छतसि चलाइ लाल् आखाँ; खीजी खाबलाज्यै आफेलल्‍ले ताँन् म्हिमैंए निसाफ लब्मुँ,” बिसि अरू ह्रेंमैंए म्हाँजोर बिद्!

हितोपदेश 8:29

क्युमैं खीजी बिब् भन्दा बैरु आह्‍यारिगे बिसि मा ङ्युँइर साँद थेंमा, खीजी पृथ्बीए जग झोंमा,

२ पत्रुस 3:10

दिलेया खाबज्यै आसेल्‍ले ह्‍यो खब् धोंले प्रभु खैलसे युब्‍मुँ। च त्हिंइर मु थेबै कैले म्हयाब्मुँ, मुर्बै ताँन् सैमैं मिइ ख्रोंसि नास तयाब्मुँ, धै चु ह्‍युल नेरो ह्‍युलर्बै सैमैं ताँन् म्हयाब्‍मुँ।

दर्शन 20:11

झाइले फोस्रे ब्योंबै थेबै राजगद्दि नेरो चर क्हुँबै परमेश्‍वर ङइ म्रोंइ। खीउँइँले पृथ्‍बी नेरो मु भौदियाइ, चमैंइ खनिरै क्ल्ह्‍यो आयों।

दर्शन 6:14

काउदए प्हैं बेर्दिब् धोंले बेर्दियासि मु म्हयाइ। झाइले ताँन् कोंमैं नेरो मा ङ्युँइए म्हाँजोर मुँबै टापूमैं खेंमैंए क्‍ल्‍ह्‍योउँइँले स्‍योह्‍याइ।