भजनमैं 104:34 - परमेश्‍वरए ताँ तमु क्युइर

³⁴ ङइ खीए बारेर मैंबै ताँमैं खीजी खोरिगे, तलेबिस्याँ ङ याहवेहर सैं तोंरिम्।

भजनमैं 104:34 ပူးပေါင်းရင်းမြစ်များ

उत्पत्ति 24:63

इसहाक ङेसा छझँ स्युरबर बैरु त्होंयाल। चइ ङ्ह्‍योमा सलुमैं खरिब् म्रोंइ।

भजनमैं 1:2

दिलेया याहवेहए ठिमर्न (नियमर्न) च सैं तोंरिमुँ, धै त्हिंयाँ म्हुँइँस खीए ठिम सैंर थेंरिम्।

भजनमैं 105:3

खीन् पबित्र मुँ बिसि खीए मिं थेब् लद्; याहवेहलाइ म्हैब्मैंए सैं तोंरिगे।

भजनमैं 119:111

क्हिजी बिबै ताँमैं ङए ल्हागिर मारा मुइ भन्दा थेब मुँ, च ताँमैंइ खोंयोंइ बिलै ङ‍ए सैं तोंन् लम्।

भजनमैं 119:167

क्हिजी बिबै ताँमैं ङइ ङिंरिइमुँ; तलेबिस्याँ च ताँमैं ङइ बेल्‍ले खोम्।

भजनमैं 32:11

ओ ठिक के लब्मैं, याहवेहजी लबै केमै मैंसि सैं तोंसि कै तेद्, ओ छ्याँबै सैं प्ह्‍याब्मैं, सैं तोंदै खीए जयजय लद्।

भजनमैं 35:9

ङ बिस्याँ याहवेहनेन् सैं तोंब्मुँ, छले खीजी ङलाइ जोगेमिंबइले ङए सैं बेल्‍ले तोंब्मुँ।

भजनमैं 77:12

क्हिजी लबै ताँन् केमैंए बारेर ङइ सैंर मैंब्मुँ, धै क्हिजी लबै ताँन् शक्‍तिए केमैंए बारेर ङ बिचार लब्मुँ।

भजनमैं 9:2

ङ क्हिनेन् सैं तोंसि उफर्दिब्मुँ। ओ ताँन् भन्दा थेबै परमेश्‍वर, ङ क्हिए मिंर्न क्वे प्रिंब्मुँ।

हितोपदेश 24:14

छलेन बुद्धि क्हिए सोए ल्हागिर खुदु धोंन् ग; क्हिइ च योंल् खाँइ बिस्याँ, च क्हिए इनाम तब्मुँ, धै क्हिइ थेंबै आशा पूरा तब्मुँ।

लूका 1:47

ङलाइ जोगेमिंबै परमेश्‍वरने बालु ङ बेल्‍ले सैं तोंम्।

फिलिप्पी 4:4

छतसि प्रभुर खोंयोंन् बिलै सैं तोंन्। ङ धबै बिमुँ, सैं तोंन्।

दर्शन 10:10

च्हमा ङइ स्‍वर्गदूतउँइँले च च्‍युथिरि काउदए प्हैं किंसि चवाइ। च ङए सुँर खुदु धोंले बेल्‍ले किगिइ, दिलेया फो न्‍होंर ह्‍याबै तोंदोंन् बेल्‍ले क्युँइ।