भजनमैं 103:8 - परमेश्‍वरए ताँ तमु क्युइर

⁸ याहवेह ल्हयो खब नेरो दयाम्हाँया मुँबै परमेश्‍वर ग, युनन् ह्रिस आखब, ताँनए फिर खोंयोंइ आनुबै म्हाँया लब नेरो भर लल् खाँब मुँ।

भजनमैं 103:8 ပူးပေါင်းရင်းမြစ်များ

भजनमैं 130:7

ओ इस्राएल, याहवेहए फिर आशा थेंन्! तलेबिस्याँ याहवेजी खोंयोंन् बिलै म्याँया लरिम्, धै तोंन्दोरि आछ्याँबै सैउँइँले खीजीन् जोगेमिंम्।

भजनमैं 145:8

याहवेहजी दयाम्हाँया लमुँ धै ल्हयो खमुँ, खी युनन् ह्रिस आख, धै खोंयोंइ आनुबै म्हाँया लम्।

भजनमैं 31:20

क्हि टिबै रक्षा योंबै क्‍ल्‍ह्‍योर क्हिजी म्हिमैंए जालउँइँले चमैंलाइ लोसि थेंमिंमुँ। चमैंलाइ छ्याब् ल्हैदिबै लेमैंउँइँले क्हिजी चमैं ह्रोंस टिबै क्‍ल्‍ह्‍योर जोगेसि थेंमिंब्मुँ।

भजनमैं 86:15

दिलेया ओ प्रभु, क्हि ल्हयो खब नेरो दयाम्हाँया मुँबै परमेश्‍वर ग, युनन् ह्रिस आखब, ताँनए फिर खोंयोंइ आनुबै म्हाँया लब नेरो भर लल् खाँब मुँ।

भजनमैं 86:5

तलेबिस्याँ ओ प्रभु, क्हि स्वाब नेरो क्षमा पिंरिब् मुँ, क्हिए मिं किंब्मैं ताँनलाइ क्हिजी खोंयोंइ आनुबै थेबै म्हाँया लम्।

योना 4:2

झाइले चइ याहवेहने प्राथना लसि बिइ, “ओ याहवेह, ह्रोंसए ह्‍युलर मुँबै त्हेर ङइ बिब् धोंन् तइ, आङिं वा? छतसि ङ तर्शिशर ह्‍याबै सैं लइ, तलेबिस्याँ क्हि दयाम्हाँया लबै परमेश्‍वर ग, ल्हयो लमुँ, ह्रिस खबर क्हैमुँ धै बेल्‍ले थेबै म्हाँया लम्। धै नास लबै ताँउँइँले सैं एम् बिसि ङइ सेइमुँ।

याकूब 5:11

च आङ्हिंन्ले दुःख सैदिबै म्‍हिमैंने ङ्योइ ङ्‍हो सब्मैं बिम्। स्‍योंम्‍बै अय्यूब बिबै म्‍हिइ सैदिबै दु:ख नेरो प्रभुजी लिउँइँ चए फिर ल्हें आशिकइ प्लिंमिंइ बिबै ताँ या क्‍हेमैंइ थेइमुँ। छतसि प्रभुजी दयाम्हाँया लम् बिबै या ङ्योइ सेइमुँ।