भजनमैं 103:18 - परमेश्‍वरए ताँ तमु क्युइर

¹⁸ खीने फैबै बाछा पूरा लब्मैं, नेरो खीजी बिबै के लब्मैं ताँनए ल्हागिर खी क्वेंल् खाँब् तरिब्मुँ।

भजनमैं 103:18 ပူးပေါင်းရင်းမြစ်များ

भजनमैं 132:12

क्हिए च्हमैंइ ङइ फैबै बाछा नेरो ङइ चमैंने लोमिंबै ताँमैं ङिंइ बिस्याँ, चमैंए च्हमैं या खोंयोंन् बिलै क्हिए राजगद्दिर टिब्मुँ।”

भजनमैं 25:10

खीजी फैबै बाछाए ताँमैं ङिंब्मैंलाइ याहवेहजी खोंयोंइ आनुबै म्हाँया लसि भर पर्दिल् खाँन्ले डोरेम्।

प्रस्थान 19:5

तारे ङए ताँ छेनाले थेसि ङने बाछा फैब् धोंले क्हेमैं प्रइ बिस्याँ, ताँन् ह्‍युल ङलन् तलेया ताँन् ह्रेंमैं न्होंरि क्हेमैं ङए म्हिमैं तब्मुँ।

प्रस्थान 24:8

च लिउँइँ मोशाइ भाँडोर्बै को किंसि म्हिमैं फिर प्रासि बिइ, “थेद्, चु याहवेहजी बाछा फैबै को ग। खीजी चु बाछा खीजी ताँन् ताँमैं बिब् धोंले क्हेमैंने फैइमुँ।”

हितोपदेश 3:1

ओ ङए च्ह, ङइ लोमिंबै ताँमैं आम्‍लेद्, ङइ बिबै ताँमैं ह्रोंसए खोंर थेंन्।

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”

लूका 1:6

चमैं ङ्हिंइ परमेश्‍वरए उँइँर ठिक के लमल धै परमेश्‍वरए ताँमैं ङिंसि ठिमर बिब् धोंले छेनाले प्रमल।

चेला चिब्मैंए केमैं 24:16

छतसि परमेश्‍वर नेरो म्हिमैंए उँइँर खोंयोंन् बिले ङए सैंइ लद् बिब् धोंले ठिक के मत्‍त्रे ङइ लबै भों लरिमुँ।

१ थेसलोनिकी 4:1

ओ अलि-अङाँमैं, आखिरि ताँ तो मुँ बिस्‍याँ, क्हेमैंइ छ्ह खैले थोल् त्हुमुँ धै परमेश्‍वरए सैं खैले तोंन् लल् त्हुम् बिबै ताँ क्हेमैंइ ङिउँइँले लोइमुँ। छतसि ओंसोंन् लोब् धोंले क्हेमैंइ लसिन् मुँ, अझै छलेन् छ्ह थोदै ह्‍याद् बिसि ङि प्रभु येशूए मिंर क्हेमैंने यो छ्युँ लसि अर्थिमैं पिंम्।