भजनमैं 102:8 - परमेश्‍वरए ताँ तमु क्युइर

⁸ ङए शत्तुरमैंइ त्हिंतिमिन् ङलाइ स्यारम्; ङलाइ प्ह्रसि निस्युब्मैंइ ङ खै ङहाँल् त्हुइमुँ चमैंया छान् ङ्हाँल् त्हुरिगे बिसि आगुलाइ सराप पिंम्।

भजनमैं 102:8 ပူးပေါင်းရင်းမြစ်များ

भजनमैं 2:1

अरू ह्रेंमैंइ तले जाल रोमुँ? धै म्हिमैंइ तोन् तोर्बै ताँमैं तले मैंम्?

भजनमैं 41:5

ङए शत्तुरमैंइ “चु खोंयों सियाब् ङ्‍हे चुए मिं क्ह्र खोंयों म्हयाब् ङहे?” बिसि ङए बारेर आछ्याँबै ताँमैं लमुँ।

भजनमैं 55:3

तलेबिस्याँ शत्तुरमैंइ ङलाइ थेबै कैले हौदिम्, धै दुष्‍टमैंइ ङलाइ क्र ओलै आपिं। चमैं ह्रिस खसि ङलाइ दुःख पिंम्; धै ङए फिर खैच्हिजिले पोंम्।

भजनमैं 69:20

म्हिमैंइ प्ह्रमा ङए सैं चोयाइमुँ, धै ङए सैं बेल्‍ले नइमुँ। ङए फिर ल्हयो खब्मैं खाबै मुँ उ बिसि म्हैइ, दिलेया खाबै आरेल, धै सैं क्होल् लमिंब्मैं या खाबै मुँ उ बिसि ङइ म्हैइ, दिलेया खाबै आयों।

भजनमैं 77:5

ह्‍याबै त्हिंइमैं, ओंसों ओंनोंबै बर्षमैं, ङइ मैंम्।

भजनमैं 89:51

ओ याहवेह, क्हिए शत्तुरमैंइ ङलाइ हेल लइमुँ, क्हिजी छ्युगु फोसि त्हाँबै म्हिलाइ चमैंइ प्ह्रइमुँ।

लूका 6:11

छ लब् म्रोंसि फरिसीमैं नेरो शास्‍त्रिमैं बेल्‍ले ह्रिस खसि चुलाइ तो लले बिसि खेमैं न्‍होंर मत लबर होंइ।

चेला चिब्मैंए केमैं 26:11

ल्हें खे ङइ चमैंने ‘तारेसेरो नासरतर्बै येशूए फिर बिश्‍वास आलद्’ बिसि च्हों धिंजरे सजैं पिंबर ल्हैदिइ, धै चमैं म्रोंसि ङ बेल्‍ले ह्रिस खसि अरू ह्‍युलर्बै सहरजरे या ह्‍यासि चमैंलाइ ह्रुगुदिइ।

चेला चिब्मैंए केमैं 7:54

स्तिफनसए ताँ थेसि चमैं बेल्‍ले ह्रिस खसि स ह्राइ।

रोमी 15:3

तलेबिस्याँ ख्रीष्‍टज्‍यै या ह्रोंसए सैं तोंन् लबै केमैं आल, बरु परमेश्‍वरजी लद् बिबै केमैं लसिन् दुःख योंइ। छतसि “क्हिलाइ गाल् केब्‍मैंए गाल् ङए फिर तइमुँ,” बिसि परमेश्‍वरए छ्वेर प्ह्रिइमुँ: