18 “नुबै क्ल्ह्योर मुँबै ह्रोंसए पबित्र क्ल्ह्योउँइँले याहवेहजी क्युरु ङ्ह्योइ; खीजी स्वर्गउँइँले पृथ्बीर ङ्ह्योइ।
चर्बै गारामैं छेनाले ङ्ह्योद्, चर्बै किल्लामैं छेनाले सेथेंन्।
स्वर्ग नेरो पृथ्बीइ खीए मिं थेब् लरिगे, मा ङ्युँइ नेरो चर मुँबै सो प्ह्याबै तोन्दोंरि सैमैंइ खीए मिं थेब् लरिगे।
ओ परमेश्वर, चु पुस्ता नेरो लिउँइँ खबै ताँन् पुस्तामैंने क्हिजी लबै शक्ति मुँबै केमैं आबिन् समा ङ खेब् तसि ङए क्र सारयामैं या ङलाइ आपिद्।
च लिउँइँ याहवेहजी मोशाने बिइ, “चु ताँ मैंबै ल्हागिर कापिर प्ह्रिथेंन्। ङइ चु ह्युलउँइँले अमालेकीमैंए मिं क्ह्रन् म्हवाम् बिसि यहोशूने बिद्।”
दिलेया “येशू परमेश्वरए च्ह नेरो खीजी कुल्मिंबै म्रुँ ख्रीष्ट ग,” बिब क्हेमैंइ क्वेंरिगे धै खीए फिर बिश्वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।
ङ्योए आशालाइ बडिबर धै ङ्योए फिर तो तलेया सैदिबै भों पिंबर परमेश्वरए छ्वेर प्ह्रिबै ताँन् ताँ ङ्योलाइ लोमिंबर प्ह्रिब् ग।
चमैंए फिर तबै चु ताँन् ताँमैं अरूमैंलाइ लोमिंबै ल्हागिर तल। च ताँमैं ङ्योज्यै सेरिगे बिसि प्ह्रिथेंइ। तलेबिस्याँ चु ह्युल नुखबै त्हे तखइमुँ।
परमेश्वरजी ङ्योलाइ ख्रीष्टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।
छतसि ङ सिबै लिउँइँज्यै या ङइ बिबै अर्थिए ताँमैं खोंयोंइ या क्हेमैंइ मैंल् खाँरिगे बिसि लोमिंबर ङइ बेल्ले भों लसिन् मुँ।