भजनमैं 101:4 - परमेश्‍वरए ताँ तमु क्युइर

⁴ आछ्याँबै सैं प्ह्‍याब्मैंने ङ ह्रेंगोन् टिब्मुँ; दुष्‍ट केमैं ङ खोंयोंइ लरिब् आरे।

भजनमैं 101:4 ပူးပေါင်းရင်းမြစ်များ

भजनमैं 119:115

ङए परमेश्‍वरए ताँमैं ङइ छेनाले ङिंरिगे बिसि, ओ दुष्‍ट के लब्मैं, ङउँइँले ह्रेंगो तह्‍याद्।

भजनमैं 26:4

ङ स्योर तेब्मैंने बालु आटि, धै छलु म्हिलु लब्मैंने या आप्र।

भजनमैं 26:5

आछ्याँबै के लब्मैं म्रोंसि ङ छेरम्, धै दुष्‍ट म्हिमैंने ङ आटि।

भजनमैं 6:8

ओ आछ्याँबै के लबै म्हिमैं, ङ ङाँइँले ह्‍याद्, तलेबिस्याँ ङ क्रोब याहवेहजी थेइमुँ।

हितोपदेश 11:20

आछ्याँबै सैं मुँबै म्हिलाइ याहवेहजी आखो, दिलेया ठिक के लप्रबै म्हि म्रोंसि खी सैं तोंम्।

हितोपदेश 22:24

ह्रिस खबै म्हिने थु आतद्, युनन् ह्रिस खबै म्हिने प्रब् टिब् आलद्,

हितोपदेश 29:27

ठिक के लबै म्हिमैंइ छलु म्हिलु लब्मैंलाइ आखो, छलु म्हिलु लब्मैंइ ठिक के लब्मैं आखो।

हितोपदेश 3:32

तलेबिस्याँ आछ्याँबै के लप्रब्मैं याहवेहजी आखो, दिलेया सोजो म्हिमैं बिस्याँ खीजी भर लम्।

हितोपदेश 8:13

याहवेहलाइ म्हाँदिब आछ्याँबै के-ति पिब् ग। थेब् प्हैंब, शेखि लब, आछ्याँब् मैंब नेरो स्योलिबै ताँ पोंब्मैंलाइ ङइ आखो।

हितोपदेश 9:6

आछ्याँबै के लब्मैंने आप्रद्, ताँ क्होद् धै लोद्। छलस्याँ क्हेमैं सोब्मुँ,” बिम्।

मत्ती 7:23

‘दिलेया च त्हेर ङइ चमैंने ङइ क्हेमैं आसे ओ आछ्याँबै के लब्मैं ङ ङाँइँले ह्रेंगो स्‍योह्‍याद्,’ बिसि बिब्मुँ।”

२ कोरिन्थी 11:33

दिलेया ङए थुमैंइ ङलाइ ट्हलोर झोंसि सहरलाइ कारग्युले झोंबै गाराए झ्यालउँइँले खारमिंबइले ङ क्रथेए योउँइँले स्योरल् खाँइ।

२ तिमोथी 2:19

दिलेया परमेश्‍वरजी बिबै ताँ बिस्याँ थेबै जग धोंले भोंब मुँ। च जगए फिर पबित्र प्ल्हजी छाप ल्हैदिइमुँ, “प्रभुजी खीए म्हिमैं ङो सेमुँ” धै “प्रभए मिं किंब्मैं ताँन् आछ्याँबै केउँइँले ह्रेंगो तल् त्हुम्।”