भजनमैं 101:3 - परमेश्‍वरए ताँ तमु क्युइर

³ केर आफेबै सैमैं ङ‍ए उँइँर थेंरिब् आरे। दुष्‍ट के लब्मैंलाइ ङ आखो; छाबै म्हिमैंने ङ प्ररिब् आरे।

भजनमैं 101:3 ပူးပေါင်းရင်းမြစ်များ

भजनमैं 119:113

सैं ङ्हिरि तबै म्हिमैं ङइ आखो, दिलेया क्हिए ठिम ङइ खोम्।

भजनमैं 119:37

ङए मिइ केर आफेबै सैमैं ङ्ह्‍योल् आपिंन्; क्हिए ताँइ बिब् धोंलेन् ङए‍ रक्षा लमिंन्।

भजनमैं 125:5

दिलेया आछ्याँबै के लप्रब्मैं बिस्याँ याहवेहजी दुष्‍ट के लब्मैंलाइ पिंब् धों तबै सजैं पिंब्मुँ! इस्राएलए फिर शान्ति तरिगे!

भजनमैं 139:22

छाबै म्हिमैंलाइ ङ तिफुँइ आखो; ङइ चमैंलाइ शत्तुरमैं धोंन् ङ्हाँइमुँ।

भजनमैं 14:3

चमैं ताँन् आछ्याँबै घ्याउँइँ प्रइमुँ, धै चमैं ताँन् छेरन् ङ्हाँन् तयाइमुँ। खाबज्यै छ्याँबै के आल, छ्याँबै के लब्मैं घ्रि या आरे।

भजनमैं 36:3

चए सुँइ स्योलिबै ताँमैं नेरो आछ्याँबै ताँमैं पोंमुँ; छ्याँबै केमैं लब नेरो केर फेबै ताँमैं पोंब चइ पिवाइमुँ।

भजनमैं 39:1

“ङइ तो के ललेया च्हैंसि मैंसि छेनाले लब्मुँ, धै ङए सुँज्यै या आछ्याँबै ताँमैं पोंरिब् आरे। दुष्‍ट म्हिमैंए उँइँर ङ तोइ ताँ पोंरिब् आरे,” बिसि ङइ बिल।

भजनमैं 40:4

थेब् प्हैंब्मैं ङाँइ आङ्ह्‍योब, धै स्योलिबै देवतामैं ङाँइ ल्हैदिब्मैंने आत्हुँब, याहवेहए फिर्न भर थेंब, छाबै म्हिइ आशिक योंब्मुँ। 1

भजनमैं 41:9

ङने बेल्‍ले क्ह्रिब, ङनेन् चब् थुँब् लब, ङइ खोबै थुइन, ङए बिरोधर आछ्याँबै ताँमैं लप्रम्।

भजनमैं 78:41

चमैंइ घरिघरि खीए जाँच लइ, धै इस्राएलए बेल्‍ले थेबै परमेश्‍वरलाइ चमैंइ ह्रिस खल् लइ।

भजनमैं 78:57

चमैं ह्रोंसए खेबाज्युमैं धोंले बाछा फुवाब् नेरो धोका पिंब्मैं तइ, धै भर लल् आखाँबै न्होंयाबै मेत्हले धों तब् मुँल।

भजनमैं 97:10

याहवेहने म्हाँया लब्मैं ताँनइ आछ्याँबै केमैं लब पिवारिगे! तलेबिस्याँ खीजी ह्रोंसए म्हिमैंलाइ रक्षा लमिंम्; धै दुष्‍टमैंए योउँइँले चमैं फ्रेमिंम्।

प्रस्थान 20:17

“ह्रोंसए ङ्‍हेब्मैंए धिं-नाँ, प्ह्रेंस्यो, केब्छैं-केब्स्योमैं, क्ल्या, गदा चए तो सै म्रोंलेया आम्रोद्।”

प्रस्थान 32:8

ङइ प्रबर ल्हैदिबै घ्याँ चमैंइ च्हौ युनन् पिवासि अर्कोन् घ्याँ प्रइमुँ। चमैंइ ह्रोंसए ल्हागिर क्ल्या भाराए कु बनेसि चलाइन म्हाँदिसि ख्रो पिंसि, ‘ओ इस्राएलीमैं, क्हेमैंलाइ मिश्र ह्‍युलउँइँले तेइ पखबै क्हेमैंए देवता चुन् ग’ बिइमुँ।”

हितोपदेश 6:12

केर आफेबै दुष्‍ट म्हिइ आगुए ताँ लप्रम्।

हितोपदेश 6:13

छाबै म्हिमैंइ न्ह च्हैजै मि च्हैजै लम्, धै यो-प्हालेज्यै या हास्त लम्।

हितोपदेश 6:25

च च्हमिरिलाइ छ्याँब म्रोंसि आछ्याँबै सैं आमैंन्, चए मिइ क्हिलाइ आफसेरिगे।

हितोपदेश 8:13

याहवेहलाइ म्हाँदिब आछ्याँबै के-ति पिब् ग। थेब् प्हैंब, शेखि लब, आछ्याँब् मैंब नेरो स्योलिबै ताँ पोंब्मैंलाइ ङइ आखो।

मत्ती 5:28

दिलेया ङ क्हेमैंने बिमुँ, च्हमिरि घ्रि म्रोंसि चने आछ्याँबै सैंले ङ्‍ह्‍योबै म्हिइ ह्रोंसए सैंर चने ब्यभिचार लल् खाँइमुँ!

रोमी 12:9

क्हेमैंइ फिब्लो पार्दिबै म्हाँया आलद्, क्‍ह्रोंसेंन्‍लेन् सैं न्होंउँइँलेन् म्हाँया लद्। आछ्याँबै केमैं पिवासि छ्याँबै केमैं लरिद्।

गलाती 4:9

दिलेया तोगो क्‍हेमैंइ परमेश्‍वरलाइ ङो सेइमुँ - बिलन् त्हुमा: परमेश्‍वरजी क्‍हेमैंलाइ ङो सेइमुँ। परमेश्‍वर ङो सेसेया क्‍हेमैं तले ओंसोंन् म्हाँदिबै केर आफेबै सैमैंन् म्हाँदिसि धबै चु ह्‍युलर्बै छ्यामैंए न्होंर तदा ङ्हाँमुँ?

हिब्रू 10:39

दिलेया ङ्यो लिउँइँ स्योसि नास तब्मैं न्होंर्बै आङिं, ङ्योम् बिश्‍वास लसिन् सोरिब्मैं न्होंर्बै ग।

२ पत्रुस 2:21

चमैंलाइ पिंबै चु क्ह्रोंसेंन्बै छ्याँबै ताँ चमैंइ सेसेया आसेब् धोंलेन् धबै ओंसोंबै आछ्याँबै घ्याँर्न प्रयाम् बिस्याँ, चमैंए ल्हागिर चु छ्याँबै घ्याँ ग बिसि आसेबन् झन् छ्याँब तमल।

१ यूहन्‍ना 2:19

च म्हिमैं ङ्योए संगतिउँइँले त्‍होंइ ह्‍याइ, तलेबिस्याँ चमैं ङ्योल आङिंल। चमैं ङ्योल ङिंस्‍याँम् ङ्योनेन् टिमल। दिलेया चमैं ताँन् ङ्योल आङिं बिसि उँइँबर चमैं त्होंसि ह्‍याब् ग।