भजनमैं 100:3 - परमेश्‍वरए ताँ तमु क्युइर

³ याहवेहन् परमेश्‍वर ग बिसि सेद्! खीजीन् ङ्योलाइ खीए म्हिमैं तल् पिंइ, ङ्यो खीलन् ग, छतसि ङ्यो खीए म्हिमैं नेरो खीए खर्गर्बै क्युमैं ग।

भजनमैं 100:3 ပူးပေါင်းရင်းမြစ်များ

भजनमैं 119:73

क्हिए योजीन् ङ बनेइ; क्हिए ताँमैं लोबर ङलाइ क्होबै शक्ति पिंन्।

भजनमैं 12:4

“ङिइ पोंसि पोंइ चमैंलाइ ट्होब्मुँ,” बिसि चमैंइ बिमुँ। “ङिए सुँ ङिलन् ग! ङिए फिर खाब् क्ल्हे तल् खाँमुँ?”

भजनमैं 149:2

ह्रोंसलाइ बनेबै परमेश्‍वरर्न इस्राएल सैं तोंरिगे; सियोनर्बै म्हिमैं ह्रोंसए म्रुँने सैं तोंरिगे!

भजनमैं 46:10

“च्याँले टिद्, धै ङ परमेश्‍वर ग बिसि सेद्। ह्रें-ह्रेंमैंए फिर ङ थेब् तब्मुँ, ताँन् ह्‍युलरै या ङन् थेब् तब्मुँ!” बिसि याहवेहजी बिम्।

भजनमैं 78:52

धै खीजी ह्रोंसए म्हिमैं क्युमैं धोंले बैरु तेसि पखइ, धै क्यु बगल धोंले चमैंलाइ क्यु आयोंबै क्‍ल्‍ह्‍योए म्हाँजोउँइँले खीजी डोरेइ।

भजनमैं 79:13

छ लमा ङि, क्हिए म्हिमैं, क्हिए खर्गर्बै क्युमैं ग। छतसि ङि खोंयोंन् बिलै क्हिए मिं क्वेब्मुँ; पुस्त-पुस्त समा ङिइ क्हिए छ्याँबै बयन लब्मुँ।

भजनमैं 95:3

तलेबिस्याँ याहवेह बेल्‍ले थेबै परमेश्‍वर ग, ताँन् देवतामैंए फिर्बै थेबै म्रुँ खीन् ग।

प्रस्थान 6:7

ङइ क्हेमैंलाइ ङए म्हिमैं तल् पिंब्मुँ, धै ङ क्हेमैंए परमेश्‍वर तब्मुँ। मिश्रीमैंए कब्छैं तसि टिल् त्हुबइले क्हेमैंलाइ तेइ पखबै ङ याहवेह क्हेमैंए परमेश्‍वर ग बिसि क्हेमैंइ सेब्मुँ

यूहन्‍ना 17:3

म्हिमैंइ क्हि घ्रि मत्‍त्रे क्ह्रोंसेंन्बै परमेश्‍वरलाइ ङो सेब नेरो क्हिजी कुल्मिंबै येशू ख्रीष्‍टलाइ ङो सेबन् खोंयोंइ आखाँबै छ्ह ग।

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।

एफिसी 2:10

परमेश्‍वरजी ङ्योलाइ ख्रीष्‍टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।

१ पत्रुस 2:25

क्‍हेमैं क्युमैं धोंले घ्‍याँ फ्ल्येसि प्ररिल। दिलेया तारेम् क्हेमैंलाइ जोगेमिंबै प्ह्रोंछैं ङाँर क्हेमैं एखइमुँ।

१ पत्रुस 2:9

दिलेया क्‍हेमैं छ आत, तलेबिस्याँ क्‍हेमैं परमेश्‍वरजी त्‍हाँबै कुल ग, परमेश्‍वर म्रुँए ख्रो पिंबै खेगिमैं, पबित्र ह्रें नेरो परमेश्‍वरए म्हिमैं ग। तलेबिस्याँ क्‍हेमैंइ “परमेश्‍वरए शक्‍ति ताँन् भन्दा थेब मुँ” बिसि उँइँमिंरिगे बिसि खीजी क्‍हेमैंलाइ मिछु खैबउँइँले तेसि खीए थेबै ह्‍वेर पखइ।

१ पत्रुस 4:19

छतसि परमेश्‍वरए सैंर मैंब् धोंबै दु:ख योंब्मैंइ छ्याँबै केन् लरिगे, धै तोन्दोंरि सै बनेबै भर लल् खाँबै परमेश्‍वरनेन् चमैंइ ह्रोंसए प्ल्ह सुम्पिदिरिगे।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।