भजनमैं 10:9 - परमेश्‍वरए ताँ तमु क्युइर

⁹ झ्याडिए न्होंर लोसि पैंरिबै सिंह धोंले, ल्होबै म्हि खाबै आरेब्मैं क्हाबर च क्होइ टिम्, ल्होबै म्हिमैं खाबै आरेब्मैंलाइ चइ ह्रोंसए जालर चैं बोम्।

भजनमैं 10:9 ပူးပေါင်းရင်းမြစ်များ

भजनमैं 109:31

तलेबिस्याँ दण्ड पिंबै म्हिउँइँले दु:ख योंबै म्हिलाइ जोगेमिंबै ल्हागिर चए क्योलोउँइँ खी रारिम्।

भजनमैं 12:5

“आखाँम्मैं लुडिवाइमुँ, धै ङ्हाँदुमैंइ दुःखए सो हेंइमुँ। छतसि तारे ङ रेब्मुँ, धै चमैंए न्होह्रों लब्मैंउँइँले ङइ चमैं जोगेमिंब्मुँ,” बिसि याहवेहजी बिमुँ

भजनमैं 140:5

थेब् प्हैंबै म्हिमैंइ ङए ल्हागिर ङो चुइमुँ, चमैंइ ह्रोंसए जालए छो च्योइमुँ, धै ङ प्रबै घ्याँर ङो चुइमुँ। तिस्याँदे मैंन्

भजनमैं 17:12

फो ख्रेंसि चबै सै म्हैप्रबै सिंह धोंन् चमैं तइमुँ, थेबै सिंह धोंले चमैं क्ह्‍वेइ टिइमुँ।

भजनमैं 35:10

“ओ याहवेह, क्हि धों तब खाब् मुँ? क्हिजी भों आरेब्मैंलाइ ह्रोंस भन्दा भोंबै म्हिमैंउँइँले जोगेमिंम्, छले भों आरेब्मैं नेरो आयों आख्युब्मैंलाइ ह्रुगिदिबै म्हिमैंउँइँले क्हिजी चमैंलाइ जोगेमिंम्,” बिसि ङए ताँन् ज्यु नेरो सैंइ बिप्रम्।

भजनमैं 37:14

दुःख योंब्मैं नेरो आयों आख्युब्मैंलाइ सैबै ल्हागिर, धै क्ह्रोंसेंन्बै घ्याँर प्रब्मैंलाइ नास लबै ल्हागिर, दुष्‍टमैंइ सेलाँ छेम् धै त्हँले या कुरम्।

भजनमैं 59:3

ङ्ह्‍योद्! ङलाइ सैबर चमैं ह्रेसि टिइमुँ; चमैं ङए बिरोधर रासि “खैले चलाइ सैल् योंब् ङ्‍हे?” बिसि ङलाइ च्ह्‍याइ टिइमुँ। दिलेया ओ याहवेह, ङइ तोइ अपराध, तोइ पाप आलइमुँ,

हितोपदेश 14:31

ङ्‍हाँदुमैंलाइ क्र ओल् आपिंब्मैंइ चमैंलाइ बनेबै परमेश्‍वरलाइ मान आल, दिलेया आयों-आख्युब्मैंए खाँचो टार्दिमिंबै म्हिइ परमेश्‍वरए मान लमुँ।

हितोपदेश 22:16

ह्रोंसए सै न्होर ल्हें लबर ङ्‍हाँदुमैंलाइ ह्रुगुदिब्मैं नेरो प्लब्मैंलाइ क्होल्समैं पिंब ङ्हिंन-ङ्हिंन् ङ्‍हाँदु तब्मुँ।

हितोपदेश 28:15

दुष्‍ट म्रुँइ ग्याल्स लमा ङ्हाँदुमैं झन ङ्हाँदु तम्, छाबै म्रुँ ग्राँ-ग्राँ बिबै चें नेरो ह्‍वाखबै भलु धों तब् ग।

यूहन्‍ना 10:12

मुइ पिंसि थेंबै म्हि बिस्याँ क्ह्रोंसेंन्बै प्ह्रोंछैं धों आत। क्युमैं ह्रोंसल् आङिंसेरो चइ प्याँउँ खरिब् म्रोंस्याँ क्युमैं वाथेंसि भौदियाम्। छतमा प्याँउँइँ क्युमैं ह्‍वाखम्, धै सोग्याँ प्हुग्याँ लवाम्।

चेला चिब्मैंए केमैं 23:21

दिलेया क्हिइ चमैंए ताँ आङिंन्, तलेबिस्याँ चमैं न्होंर म्हि प्लिच्यु भन्दा ल्हेइ ‘च आसैन् समा ङि तोइ आच तोइ आथुँ!’ बिबै कसम चसि च सैबर क्ह्‍वेइ टिइमुँ। चमैंइ क्हिइ तो बिब् ङ्‍हे बिसि ह्रेरिइमुँ।”