भजनमैं 10:17 - परमेश्‍वरए ताँ तमु क्युइर

¹⁷ ओ याहवेह! दुःख योंब्मैंए प्राथना क्हिजी थेम्; क्हिजी चमैंए सैं भोंब् लम्, धै चमैंइ ग्वार ह्रिब क्हिजी थेम्।

भजनमैं 10:17 ပူးပေါင်းရင်းမြစ်များ

भजनमैं 102:17

दु:ख योंब्मैंइ लबै प्राथना खीजी थेब्मुँ; धै चमैंए प्राथना थेलेया आथेब् धों आल।

भजनमैं 145:19

खीने बालु ङ्हिंब्मैं ताँनए सैंर मैंब खीजी पूरा लमिंम्; चमैंइ हुइब खीजी थेमुँ धै चमैंलाइ जोगेमिंम्।

भजनमैं 34:15

याहवेहजी ठिक के लब्मैंए फिर मि छरिमुँ धै चमैंए ताँ थेम्।

भजनमैं 37:4

याहवेहनेन् सैं तोंन्, धै खीजी क्हिए सैंर मैंबै ताँमैं योमिंब्मुँ।

भजनमैं 9:12

तलेबिस्याँ याहवेहजी दुःख तब्मैं आम्ले, चमैंइ ग्वार ह्रिमा खीजी थेम्, धै चमैंलाइ दु:ख पिंब्मैंलाइ दण्डा पिंम्।

भजनमैं 9:18

दिलेया आयों आख्युब्मैं परमेश्‍वरजी खोंयोंइ म्‍लेरिब् आरे, दुःख योंब्मैंए आशा खोंयोंइ म्हरिब् आरे।

हितोपदेश 10:24

तो सैने दुष्‍ट म्हि ङ्हिंमुँ, च सैन् चए फिर तखब्मुँ, दिलेया ठिक के लब्मैंए सैंर मैंब पूरा तब्मुँ।

हितोपदेश 15:8

दुष्‍ट म्हिइ पिंबै ख्रो याहवेहजी आखो, दिलेया सोजो म्हिइ लबै प्राथना थेसि खी सैं तोंम्।

हितोपदेश 16:1

म्हिमैंइ सैंर चाँजोमैं लम्, दिलेया जवाफ याहवेहउँइँलेन् खम्।

मत्ती 5:3

“परमेश्‍वरजी शक्‍ति आपिंइ बिस्‍याँ ङइ तोइ लल् आखाँ बिबै म्‍हिमैंइ आशिक योंब्मुँ, तलेबिस्याँ स्‍वर्गर्बै ग्याल्स चमैंल् ग।

रोमी 8:26

छलेन ङ्योइ प्राथना खैले लल् त्हुम बिब ङ्योइ आसेबै त्हेर पबित्र प्ल्हजी ङ्योलाइ ल्होमिंम्। ङ्योइ सो खुइले बिलै आह्रबै ताँफुँमैं क्होसि पबित्र प्ल्ह खीजीन् ङ्योए ल्हागिर परमेश्‍वरने प्राथना लमिंम्।

एफिसी 2:18

यहूदीमैं मुँलेया अरू ह्रेंमैं मुँलेया ङ्यो ताँनइ पबित्र प्ल्ह घ्रिउँइँलेन् परमेश्‍वर आबा ङाँर ह्‍याल् योंइमुँ।

एफिसी 3:12

छले ङ्यो ख्रीष्‍टने घ्रिन् तसि खीए फिर बिश्‍वास लबइले ङ्यो तिफुँइ आङ्हिंन्‍ले परमेश्‍वर ङाँर ह्‍याल् योंइमुँ।

याकूब 4:10

ह्रोंसलाइ प्रभुए उँइँर च्‍योंब लद्, धै खीजी क्‍हेमैं थेब लमिंब्‍मुँ।

याकूब 4:6

दिलेया खीजी अझै दयाम्हाँया लम्। छतसि परमेश्‍वरए छ्वेर छले बिइमुँ, “थेब् प्हैंब्मैंलाइ खीजी आखो, दिलेया च्योंने तब्मैंए फिर दयाम्हाँया लम्।”

१ पत्रुस 3:12

तलेबिस्याँ ठिक के लब्‍मैंलाइ परमेश्‍वरजी छेनाले छैं लरिमुँ, धै न्ह क्रोंले खीजी चमैंए प्राथना थेमुँ, दिलेया आछ्याँबै के लब्‍मैंलाइ खीजी बिरोधर लम्।”

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”