भजनमैं 10:14 - परमेश्‍वरए ताँ तमु क्युइर

¹⁴ दिलेया ओ परमेश्‍वर, क्हिजी दुःख योंब्मैंए दुःख म्रोंमुँ, क्हिजी चमैंए दुःख ह्रोंसए योर्न किंमुँ, दुःख योंब्मैं ताँन् क्हिए प्हलेर्न खमुँ, खाबै आरेब्मैंलाइ ल्होमिंब क्हिन् ग।

भजनमैं 10:14 ပူးပေါင်းရင်းမြစ်များ

उत्पत्ति 21:17

दिलेया परमेश्‍वरजी कोलो क्रोब थेइ। धै परमेश्‍वरए दूतजी स्वर्गउँइँले हागारने बिइ, “ओ हागार, क्हिए फिर तो दुःख तइ? क्हि आङ्हिंन्, तलेबिस्याँ कोलो क्रोब परमेश्‍वरजी थेइमुँ।

उत्पत्ति 31:12

“धै खीजी बिइ, ‘ङ्ह्‍योत्ति! बगलाए फिर क्रेबै ताँन् बुग्यामैं पेटारे, थोप्ले नेरो छिर्केमिर्के मुँ। तलेबिस्याँ लाबानइ क्हिए फिर लबै के म्रोंसि ङइ छ लब् ग।

भजनमैं 146:9

अरू ह्‍युलउँइँले खबै तोइ आरेब्मैं याहवेहजी रक्षा लम्, आबा-आमा आरेब्मैं नेरो म्हरेस्योमैं खीजी ल्होमिंम्, दिलेया दुष्‍ट म्हिमैंए चाँजो खीजी फुवाम्।

भजनमैं 22:11

ङ ङाँइले ह्रेंगो आतमिंन्, तलेबिस्याँ ङए न्होह्रों लल् म्हैब्मैं ल्हें मुँ, ङलाइ ल्होमिंब खाबै आरे।

भजनमैं 31:8

क्हिजी ङलाइ शत्तुरए योर फेल् आपिंइमुँ, धै क्हिजी ङए प्हले प्ल्हाबै क्‍ल्‍ह्‍योर थेंमिंइमुँ।

भजनमैं 35:22

ओ याहवेह, चमैं ङए बिरोधर पोंब क्हिजी थेइमुँ; छतसि आपोंल्‍ले आटिमिंन्! ओ थेब प्रभु, ङउँइँले ह्रेंगो आतमिंन्!

भजनमैं 55:22

क्हिए दुःखए ताँमैं याहवेहने बिद्, धै खीजी क्हि ख्वेब्मुँ; खीजी ठिक के लब्मैंलाइ खोंयोंइ नास तल् पिंरिब् आरे।

भजनमैं 68:5

ह्रोंसए पबित्र क्‍ल्‍ह्‍योर टिबै परमेश्‍वर आबा आरेब्मैंए आबा ग, धै खीजी म्हरेस्योमैंलाइ रक्षा लमिंम्।

भजनमैं 68:6

खाबै आरेबै म्हिमैंलाइ खीजी परवा पिंम्; झेलर मुँब्मैंलाइ तेसि सैं तोंल् पिंम्; दिलेया परमेश्‍वरजी बिब् आङिंब्मैं बिस्याँ त्हिंयाँइ ख्रोंबै क्‍ल्‍ह्‍योर टिम्।

प्रस्थान 2:25

छतसि परमेश्‍वरजी इस्राएलीमैं फिर ङ्ह्‍योइ धै चमैंए फिर न्हुँ लइ।

प्रस्थान 22:22

“म्हरेस्यो नेरो आबा आरेब्मैं आलुडिद्।

प्रस्थान 22:26

क्हेमैंए ङ्‍हेब्मैंए नेंबै क्वें क्हिइ धितोर थेंइमुँ बिस्याँ, त्हिंयाँ लिब् भन्दा ओंसोंन् च क्वें एमिंन्,

हितोपदेश 15:25

थेब् प्हैंबै म्हिए धिं याहवेहजी फुवाम्, दिलेया म्हरेस्योमैंए साँद खीजी जोगेमिंम्।

हितोपदेश 15:3

याहवेहजी खन्तोदोंन् ङ्ह्‍योरिम्, दुष्‍ट म्हि नेरो छ्याँबै म्हिमैं ङ्हिंन-ङ्हिंए फिर मि छरिम्।

२ तिमोथी 1:12

छतसि तोगो ङइ चु दुःखमैं नोरिइमुँ, दिलेया ङ फापिसि सैं च्योंब् आल। तलेबिस्याँ ङइ खाबै फिर बिश्‍वास लइमुँ बिब ङइ सेइमुँ, ङलाइ ढुक्‍का मुँ तो सैमैं ङइ खीने थेंल् पिंइमुँ, च सैमैं खीजी छेनाले थेंमिंम्।

हिब्रू 4:13

परमेश्‍वरए उँइँरि तो सै या लोल् आखाँ। ताँन् सै परमेश्‍वरजी म्रोंल् खाँम्, छतसि ङ्योइ लबै केए हिसाब खीलाइन पिंल् त्‍हुम्।

१ पत्रुस 4:19

छतसि परमेश्‍वरए सैंर मैंब् धोंबै दु:ख योंब्मैंइ छ्याँबै केन् लरिगे, धै तोन्दोंरि सै बनेबै भर लल् खाँबै परमेश्‍वरनेन् चमैंइ ह्रोंसए प्ल्ह सुम्पिदिरिगे।

१ पत्रुस 5:7

क्‍हेमैंए ताँन् न्हुँ परमेश्‍वरए प्हलेर थेंन्, तलेबिस्याँ खीजी क्‍हेमैंए वास्ता लम्।