भजनमैं 1:3 - परमेश्‍वरए ताँ तमु क्युइर

³ च स्योंए रेर रुँइँबै सिंधुँ धोंन् तम्। चइ रो रोल् त्हुबै त्हेर रो पिंम्, धै चए प्हो खोंयोंइ आङ्योंलों। चइ तो के ललेया छ्याँब तम्।

भजनमैं 1:3 ပူးပေါင်းရင်းမြစ်များ

उत्पत्ति 39:23

योसेफए जिम्मार पिंबै तोइ सैलेया झेलर्बै चिबइ न्हुँ लल् आत्हुमल। तलेबिस्याँ याहवेह योसेफने बालु मुँल। योसेफइ लबै तोन्दोंरि के याहवेह परमेश्‍वरजी बेल्‍ले छ्याँब लमिंइ।

उत्पत्ति 39:3

“याहवेह चने बालु मुँब नेरो चइ लबै ताँन् केमैं याहवेहजी छ्याँब लमिंम्” बिसि चए क्ल्हे पोतीफरइ म्रोंसि

भजनमैं 128:2

क्हिइ ह्रोंसइन के लसि चब्मुँ; क्हिए फिर आशिक युब्मुँ धै छ्याँब तब्मुँ।

भजनमैं 129:8

“याहवेहए आशिक क्हिए फिर तरिगे! याहवेहए मिंर ङिइ क्हिलाइ आशिक पिंम्!” बिसि च घ्याँ तसि ह्‍याब्मैंइ आबि।

भजनमैं 92:14

खिब् तयालैया चमैंइ रो ल्हें रोब्मुँ; चमैं ताजा नेरो पिंक्यो ब्योंब् तरिब्मुँ,

भजनमैं 92:15

धै “याहवेह स्वाब मुँ; खी ङ रक्षा लमिंबै पारा ग, धै खीजी आछ्याँबै के खोंयोंइ आल!” बिसि बयन लब्मुँ।

मत्ती 13:6

दिलेया जरा छेन्‍ले च्‍योंल् आयोंबइले त्‍हिंयाँ प्रेबै तोदोंन् च प्लु ङ्योंलोंयासि कारयाइ।

मत्ती 21:19

घ्याँए रेर खीजी तुँबुए धुँ घ्रि म्रोंसि च धुँए ङाँर खमा च धुँर प्‍हो मत्‍त्रे म्रोंइ रो आयों। छतमा खीजी च धुँने बिइ, “तारे पिरु क्‍हिने खोंयोंइ रोमैं आरोरिगे।” छ बिबै तोदोंन् च धुँ ङ्योंलोंयाइ।

मत्ती 21:34

“लिउँइँ अँगुर खुबै त्हे तमा चइ के लबै म्‍हिमैं ह्रोंसए भाउ किंबर आधे लब्मैं ङाँर कुल्‍मिंइ।

मत्ती 21:41

चमैंइ खीने बिइ, “क्ल्हे खसि च दुष्‍ट म्‍हिमैं सैवाब्‍मुँ। धै रा-रोमैं खुबै त्हेर ह्रोंसइ योंल् त्हुबै भाउ पिंबै म्हिमैंनेन् आधे पिंब्मुँ।”

यूहन्‍ना 15:6

ङने आटिब्मैं बिस्याँ रोमैं आरोबै हाँग धोंले बैरु भ्योंवाब्मुँ, धै कारयाब्मुँ। छाबै हाँगमैं म्हिमैंइ खागु लसि मिर ख्रोंवाब्मुँ।

यहूदाइ प्‍ह्रिबै प्ह्रिछ्या 1:12

संगति लल् खाँसि चब् थुँब् लमा चुमैं पि आरेल्‍ले चब्मैं ग। तलेबिस्याँ चमैंइ खाबलाज्यै या वास्ता आल, अरूइ चल् योंरिगे उ आयोंरिगे चमैंलाइ न्हुँ आरे। चमैं थेबै खैंइ नोइ बोवाबै नाँ आरेबै न्‍हाँम्‍स्यो धों तब्मैं ग। झाइले रो आरोबै सर्खर्बै सिं धुँ धों तब्मैं ग, ङ्हिब्‍ले सियाबै धुँमैं धोंले चमैं जराउँइँलेन् स्‍युवाइमुँ।

दर्शन 22:2

सहरए म्‍हाँजोर्बै घ्याँ तसि स्यों प्ररिल। च स्‍योंए रेर छ्ह पिंबै सिं धुँ मुँल। च धुँर सालर्बै च्युसे ङ्हिं म्हैनन् च्युसे ङ्हिं खालर्बै रोमैं रोमल। च सिंधुँए प्‍हो ह्रें-ह्रेंमैंलाइ सल् लबै ल्हागिर मुँल।