भजनमैं 1:1 - परमेश्‍वरए ताँ तमु क्युइर

¹ दुष्‍टमैंए सल्‍लार आप्रब, नेरो पापिमैंइ लब् धोंले आलब, धै परमेश्‍वर स्यारब्मैंने बालु आटिबै म्हिइ आशिक योंम्।

भजनमैं 1:1 ပူးပေါင်းရင်းမြစ်များ

उत्पत्ति 49:6

ओ ङए सो, चमैंए म्हि च्होंर आखो, चमैंने प्रब टिब आलद्, तलेबिस्याँ चमैं ह्रिस खसि म्हिमैं सैवाइमुँ, चमैंइ तो लदा ङ्हाँमुँ चन् लसि क्ल्यामैंए मुल च थोवाइमुँ।

उत्पत्ति 5:24

हनोक परमेश्‍वरने बा-बालुन् प्रमल। छले प्रना-प्रन् चलाइ खाबज्यै आम्रों, तलेबिस्याँ परमेश्‍वरजी चलाइ क्‍वे बोवाल।

भजनमैं 1:6

छलेन याहवेहजी ठिक के लब्मैं प्रल् त्हुबै घ्याँर रक्षा लमिंम्, दिलेया दुष्‍ट म्हिमैं बिस्याँ नास तबै घ्याँर प्रम्।

भजनमैं 106:3

ठिक निसाफ लब्मैंइ आशिक योंब्मुँ, धै चमैंइ खोंयोंन् बिलै ठिक के लसि सैं तोंरिब्मुँ।

भजनमैं 112:1

याहवेहए मिं थेब लद्! याहवेहलाइ मान लब धै खीए ताँमैं सैं तोंदै म्हाँदिबै म्हिइ आशिक योंम्!

भजनमैं 119:115

ङए परमेश्‍वरए ताँमैं ङइ छेनाले ङिंरिगे बिसि, ओ दुष्‍ट के लब्मैं, ङउँइँले ह्रेंगो तह्‍याद्।

भजनमैं 144:15

चु आशिकमैं योंबै म्हि ङ्हो सब् ग! याहवेहलाइ परमेश्‍वर बिसि म्हाँदिब्मैं ङ्हो सब् ग!

भजनमैं 146:5

याकूबए परमेश्‍वरजी ल्होमिंबै म्हिइ आशिक योंम्, ह्रोंसए याहवेह परमेश्‍वरने चइ आशा लम्।

भजनमैं 146:9

अरू ह्‍युलउँइँले खबै तोइ आरेब्मैं याहवेहजी रक्षा लम्, आबा-आमा आरेब्मैं नेरो म्हरेस्योमैं खीजी ल्होमिंम्, दिलेया दुष्‍ट म्हिमैंए चाँजो खीजी फुवाम्।

भजनमैं 2:12

च्हलाइ मान लसि फ्योद्, छ आलस्याँ खी ह्रिस खब्मुँ, धै क्हेमैं घ्याँर्न सिब्मुँ, तलेबिस्याँ खी युनन् ह्रिस खम्। खीए प्हलेर ग्वार ह्रिबर ह्‍याब्मैंइ आशिक योंब्मुँ।

भजनमैं 26:12

ङ सोजो घ्याँर प्रइमुँ ङइ ल्हें म्हिए म्हाँजोर क्हिए मिं क्वेब्मुँ।

भजनमैं 34:8

याहवेहजी कति ल्हें ल्हयो खमुँ बिसि ह्रोंसैन म्हैसि क्होद्। खीए प्हलेर्न ग्वार योंबै म्हिइ आशिक योंमुँ!

भजनमैं 36:4

क्‍ल्‍ह्‍योर रोरिमै या चइ आछ्याँबै चाँजोमैंन् लरिम्; छतसि च आछ्याँबै घ्याँर्न प्रम्; छले चइ आछ्याँबै केमैंन् लप्रम्।

भजनमैं 64:2

ङए बिरोधर ङइ आसेल्‍ले दुष्‍टमैंइ लबै चाँजोमैं नेरो आछ्याँबै के लब्मैंइ ङए बिरोधर रोबै जालउँइँले ङलाइ लोथेंन्।

भजनमैं 81:12

छतसि चमैं खेंमैंए सैंर मैंब् धोंले प्ररिगे बिसि चमैंए सैंर्बै इच्छार्न ङइ पिमिंइ।

भजनमैं 84:12

ओ स्वर्गर्बै सेनामैंए चिब याहवेह, क्हिए फिर भर थेंबै म्हिइ आशिक योंम्!

हितोपदेश 1:15

ओ ङए च्ह, चमैंने बालु आप्रद्; चमैं प्रबै घ्याँर क्हि आप्रद्,

हितोपदेश 1:22

“ओ आमादुमैं, क्हेमैं खोंयों समा ज्ञान बुद्धिलाइ तो धोंइ आङ्हाँन्ले प्ररिमुँ? खोंयों समा आउलाइ प्ह्रबै ताँमैं लसि सैं तोंरिमुँ, ओ आमादुमैं, तले जा, क्हेमैंइ ज्ञान बुद्धिलाइ तो धोंइ आङ्हाँब?

हितोपदेश 13:15

बुद्धि मुँबै म्हिलाइ ताँनइ म्हाँदिम्, दिलेया छलु म्हुलु लबै म्हिए फिर दु:ख खम्।

हितोपदेश 13:20

बुद्धि मुँबै म्हिने प्रबै म्हि बुद्धि मुँबन् तम्, आमादुमैंने प्रस्याँ नास तम्।

हितोपदेश 19:29

खैच्हिजिले पोंब्मैंए ल्हागिर दण्ड, धै बुद्धि आरेबै म्हिए क्होर प्रिंबै ल्हागिर कोर्रामैं तयार लथेंइमुँ।

हितोपदेश 2:12

दुष्‍ट म्हिमैंइ लबै केउँइँले नेरो स्योलिबै ताँ पोंबै म्हिमैंउँइँले बुद्धिइ क्हिलाइ जोगेमिंब्मुँ।

हितोपदेश 3:34

आगुलाइ प्ह्रब्मैंलाइ खीजी प्ह्रम्, दिलेया कुरब्मैंलाइ खीजी ल्हयो खम्।

हितोपदेश 4:19

दिलेया दुष्‍ट म्हिमैं प्रबै घ्याँ बिस्याँ बेल्‍ले मिछु खैब् धों तम्; तो सैर प्हले थुरइमुँ बिसि चमैंइ आसे।

हितोपदेश 9:12

क्हि बुद्धि मुँब् तइ बिस्याँ, बुद्धिइन क्हिलाइ इनाम पिब्मुँ; दिलेया खैच्हिजिले पोंस्याँ क्हिज्यै दु:ख योंब्मुँ।

मत्ती 16:17

येशूजी चने बिइ, “ओ, योनाए च्‍ह सिमोन, क्‍ह्रोसेंन क्‍हिइ आशिक योंइमुँ! तलेबिस्याँ छाबै ताँ क्‍हिइ म्‍हिउँइँले था सेब आङिं, दिलेया स्‍वर्गर मुँबै ङए आबाजी क्हिलाइ सेल् पिंब् ग।

लूका 11:28

दिलेया येशूजी च च्हमिरिने बिइ, “ओ नानि, ङए ताँ थेद्! परमेश्‍वरए ताँ थेसि खीजी बिब् म्हाँदिबै म्‍हिइ झन् आशिक योंब्मुँ।”

लूका 23:51

येशूलाइ सैले बिसि मत लबै म्हिमैंने योसेफ आक्ह्रिल। च यहूदीया ह्‍युलर्बै अरिमथियाथें मुँल। परमेश्‍वरजी खन्‍तोंदोंन् ग्याल्स खोंयों लब् ङ्‍हे बिसि चइ घ्‍याँ ङ्‌ह्‍योरिल।

यूहन्‍ना 13:17

क्‍हेमैंइ चु ताँ क्होसि छलेन् लइ बिस्याँ क्हेमैं ङ्‌हो सब्मैं तब्मुँ।

यूहन्‍ना 20:29

येशूजी चने बिइ, “क्‍हिइमि ङ म्रोंबइले ङए फिर बिश्‍वास लइ, दिलेया ङ आम्रोंलेया ङए फिर बिश्‍वास लब्मैं ङ्‍हो सब्मैं ग।”

रोमी 5:2

खीए फिर बिश्‍वास लबइले ङ्योइ खीए दयाम्हाँया योंइमुँ। परमेश्‍वरए दयाम्हाँया तोगो ङ्योइ योंइमुँ, छतसि ङ्योइ परमेश्‍वरए चारबै ह्‍वे योंम् बिबै आशा थेंसि ङ्यो सैं तोंम्।

एफिसी 6:13

छतसि परमेश्‍वरए बचनइ बिब् धोंलेन् प्रद्। छले प्रसि क्हेमैंए फिर खैबै दु:ख तना बिलेया सैदिल् खाँब्मैं तद्।

१ पत्रुस 4:3

ह्‍याबै त्हिंइजरे परमेश्‍वर आम्हाँदिब्मैंइ धोंले क्हेमैंइ ब्यभिचार लब, आछ्याँबै सैं मैंब, प्हा को तब, सैल् लब, छेरन् ब्योंबै कु पूजा लसि ल्हें त्हे खेरो वाइ।

दर्शन 22:14

खोंयोंइ आखाँबै छ्ह पिंबै सिंधुँउँइँले रोमैं चल् योंसि सहरर्बै म्रामैंउँइँले होंल् योंरिगे बिसि ह्रोंसए क्‍वें ख्रुब्‍मैं ङ्‍हो सब्मैं ग।