हितोपदेश 9:6 - परमेश्‍वरए ताँ तमु क्युइर

⁶ आछ्याँबै के लब्मैंने आप्रद्, ताँ क्होद् धै लोद्। छलस्याँ क्हेमैं सोब्मुँ,” बिम्।

हितोपदेश 9:6 ပူးပေါင်းရင်းမြစ်များ

भजनमैं 119:115

ङए परमेश्‍वरए ताँमैं ङइ छेनाले ङिंरिगे बिसि, ओ दुष्‍ट के लब्मैं, ङउँइँले ह्रेंगो तह्‍याद्।

भजनमैं 45:10

ओ च्हमि छेनाले थेद्, क्हिए म्हिमैं नेरो क्हिए आबाए धिं म्‍लेवाद्।

हितोपदेश 10:17

लोद-सैंदाए ताँमैं ङिंबै म्हिमैं छ्याँबै छ्ह योंबै घ्याँर प्रमुँ, दिलेया लोदा सैंदा लमा थेबै न्ह आलबै म्हि आछ्याँबै घ्याँर फेम्।

हितोपदेश 13:20

बुद्धि मुँबै म्हिने प्रबै म्हि बुद्धि मुँबन् तम्, आमादुमैंने प्रस्याँ नास तम्।

हितोपदेश 23:19

ओ ङए च्ह, थेद्, धै बुद्धि मुँब तद्, धै क्हिए सैंइ बुद्धिए ताँमैं मैंरिद्।

हितोपदेश 4:11

ङइ क्हिलाइ बुद्धि योंबै ताँमैं लोमिंमुँ; धै ठिक घ्याँर डोरेमुँ।

हितोपदेश 8:35

तलेबिस्याँ खाबइ ङलाइ त्होमुँ, चइ छ्ह योंम् धै याहवेहजी चए फिर ल्हयो खम्।

हितोपदेश 9:11

तलेबिस्या ङउँइँलेन् क्हिइ ह्रिंबै छ्ह योंब्मुँ, धै क्हि खिब् माँब् तन् समन् सोब्मुँ।

लूका 13:24

येशूजी चमैंने बिइ, “रुबै म्राउँइँले न्‍होंर होंबै भों लद्, तलेबिस्याँ ङ क्‍हेमैंने बिमुँ, ल्‍हें म्‍हिमैं रुबै म्राउँइँले न्‍होंर होंल् म्‍हैब्‍मुँ, दिलेया होंल् खाँरिब् आरे।

चेला चिब्मैंए केमैं 2:40

छतसि “चु दुष्‍ट पुस्‍ताउँइँले क्हेमैंइ ह्रोंसलाइ जोगेद्,” बिसि पत्रुसइ अरू ल्‍हें ताँउँइँले चमैंलाइ क्होमिंइ।

२ कोरिन्थी 6:17

छतसि याहवेहजी छ बिइमुँ: “क्‍हेमैं च आछ्याँबै म्‍हिमैंए म्हाँजोउँइँले त्होंइ खो, क्‍हेमैं चमैं ङाँइले स्‍यो तल् त्‍हुम्। पापर च्होवाबै सैमैं आछुइद्, झाइले ङइ क्‍हेमैं ङ ङाँर खल् पिंस्‍यो।

दर्शन 18:4

धबै स्‍वर्गउँइँले छ बिबै कै ङइ थेइ, “ओ ङए म्‍हिमैं, खो! च सहरउँइँले त्‍होंसि चुर खो। चए फिर तखबै थेबै दुःख क्‍हेमैंइ नोल् आत्‍हुरिगे चइ लबै पापर चने बालु आप्रद्।